තමා නායකත්වය ලබා දෙන ශ්‍රී ලංකා නිදහස් පක්ෂයේ සහයෝගය නොමැතිව කිසිවෙකුට ඉදිරියේදී ආණ්ඩු බලයක් ලබා ගත නොහැකි බව ජනාධිපතිවරයා ප්‍රකාශ කර තිබේ.
ජනාධිපතිවරණය පවා ජයග්‍රහණය කරන්නේ තමා හා ශ්‍රීලනිපය සහාය දෙන පාර්ශවය බව කී ජනපති මෛත්‍රීපාල සිරිසේන “ඊළඟ ආණ්ඩුව හදන යන්තරෙයි මන්තරෙයි දෙකම තියෙන්නෙ ශ්‍රී ලංකා නිදහස් පක්ෂය අතේ.” යැයි කියා සිටියේය.
තමන් හා පක්ෂය සහයෝගය දෙනු ලබන්නේ රටට ආදරය කරන හා සියලු ජාතීන් ශක්තිමත් සමගියක් ගොඩනැඟිය හැකි කණ්ඩායමට බව ජනාපති කියා සිටියේ මාතර දිස්ත්‍රික් ශ්‍රීලනිප සම්මේලනය අමතිමිනි.
“අපි තීන්දු කරන්නේ කවුද දින්නේ කියන එක කුමන කාරණා මතද. රටට ආදරය කරන දේශප්‍රේමීත්මය, දේශමාමකත්වය, ජාතිකත්වය තිබෙන සිංහල,දමිල,මුස්ලිම්,මැලේ,බර්ගර් සියලු ජනතාව අතරේ ශක්තිමත් සමගියක් ගොඩගන්න පුලුවන් විශ්වාසයක් ඇති කරගන්න පුලුවන්, වැඩපිලිවෙලක් ඉතාම අවශ්‍යයි මේ රටට.”
ඉදිරි ජනපතිවරණයට අවශ්‍ය රට වෙනුවෙන් දේශපාලනය කරන පුද්ගලයන්ගේ පෙරමුණක් බව කී ජනපති සන්ධාන හෝ පෙරමුණු නොමැතිවකු කිසිවෙකුටත් ආණ්ඩුවක් පිහිටුවිය නොහැකි බව ද සඳහන් කළේය.
අගමැති රනිල් වික්‍රමසිංහ අන්ත දුෂිත නව ලිබරල්වාදියෙකු ලෙස හැඳින්වු ජනපති මෛත්‍රීපාල සිරිසේන තමන් හා අගමැතිවරයා අතර පවතින අර්බුදය “හොඳ සහ නරක” අතර පවතින ගැටුමක් බව ද වැඩි දුරටත් කියා සිටියේය.
Facebook Comments
