පසුගිය ජනපතිවරණයේදී මෙන්ම මෙවරද මීළඟට පත්වන නව රජය හරහා ජාතික ප්‍රශ්නයට විසඳුම් ලබා දෙන බවට පවමින් අගමැතිවරයා උතුරේ දෙමළ ජනයා රැවටීමේ උත්සාහය නිරත වී සිටින බවට ශ්‍රී ලංකා නිදහස් පක්ෂයේ මහලේකම්වරයා චෝදනා කර තිබේ.
විධයක ජනපති ක්‍රමය අහෝසි කිරීමට මෙන්ම ජාතික ප්‍රශ්නය විසඳුමක් ලෙස නව ආණ්ඩුක්‍රම ව්‍යවස්ථාවක් ගෙන ඒමට යහපාලන රජය ගත් උත්සාහයද ව්‍යාර්ථ වු බව පෙන්වා දුන් දයාසිරි ජයසේකර මන්ත්‍රීවරයා එම ව්‍යවස්ථා යෝජනාවලියට එක්සත් ජාතික පක්ෂය කිසිඳු යෝජනාවක් ලබා නොදුන් බව ද සිහිපත් කළේය.
“20 වන සංශෝධනය ගේන්න කිවුවා. 19 න් ජනාධිපතිතුමාගේ බලතල කැපුවා. 20 අද වෙනකල් ගෙනල්ලා නෑ. ඒ වෙනුවට වෙන වෙන විස්සවල් දැන් ගෙනල්ලා තියෙනවා. දැන් රනිල් වික්‍රමසිංහට උතුරේ ජනතාව ගැන මහා කැක්කුමක් ඇතිවෙලා හදිස්සියේ. අවුරුදු 4 හමාරක් අලුත් ව්‍යවස්ථාවක් හදනවා කියලා පොල් ගාලා පොල් ගාලා එක යෝජනාවක් ගේනාවේ නෑ මේ ආණ්ඩුක්‍රම ව්‍යවස්ථාව සංශෝධනය කරන්න. හැබැයි දැන් උතුරට ගිහිල්ලා කියනවා මම උතුරේ කට්ටියට සළකන්න සූදානම් කියලා. මේක තමයි නැවතත් මේ රටේ උතුරේ ජනතාව රවට්ටන්න හදන වැඩපිළිවෙල.”
ශ්‍රීලනිපය එජාපය හා එක්වුයේ රට ඉදිරියට ගෙන යාමට ජනාධිපති මෛත්‍රීපාල සිරිසේන හට ශක්තිය ලබා දීමට බව ද ශ්‍රී ලංකා නිදහස් පක්ෂයේ මහලේකම් දයාසිරි ජයසේකර මන්ත්‍රීවරයා වැඩි දුරටත් කියා සිටියේය.
Facebook Comments
