මහ මැතිවරණයක් පැවැත්වීමට ජනාධිපතිවරයා විසින් ගන්නා ලද හදිසි තීන්දුව ශ්‍රී ලංකාවේ ඉහලම අධිකරණය විසින් අත්හිටුවීමත් සමඟ පාර්ලිමේන්තුව කැඳවීමට කතානායකවරයා තීරණය කර තිබේ.
ජනාධිපති මෛත්‍රිපාල සිරිසේන විසින් පාර්ලිමේන්තුව විසුරුවා හරිමින් පසුගිය සතියේ නිකුත් කරන ලද ගැසට් නිවේදනයට එරෙහිව දෙසැම්බර් 7 දා දක්වා ශ්‍රේෂ්ඨාධිකරණය විසින් තහනම් නියෝගයක් පනවන ලදී.
අධිකරණ තීන්දුව සමගින් නිවේදනයක් නිකුත් කරන කතානායක කරු ජයසුරිය පාර්ලිමේන්තුව නොවැම්බර් 14 දා නැවත රැස්වන බව මන්ත්‍රීවරුන්ට දැනුම් දී තිබේ.
දේශපාලන පක්ෂ, සිවිල් සංවිධාන සහ මැතිවරණ කොමසාරිස් වරයකු ඇතුළු පුරවැසියන් විසින් ජනාධිපතිගේ ක්‍රියා කලාපය ව්‍යවස්ථා විරෝධී බවට චෝදනා කරමින් ගොනු කරන ලද පෙත්සම් සංඛ්‍යාව අඩුම වශයෙන් 13 කි.
එම පෙත්සම් දෙසැම්බර් 5, 6 සහ 7 දිනවල අගවිනිසුරු නලින් පෙරේරා සමග ප්‍රියන්ත ජයවර්ධන සහ ප්‍රසන්න ජයවර්ධන යන ශ්‍රේෂ්ඨාධිකරණ විනිසුරන් හමුවේ විභාගයට ගැනීමට නියමිතය.
Facebook Comments
