රටේ රාජ්‍ය නායකයා වීමට සුව ඇමැති හට අශිර්වාද කර ඇති ජනාධිපතිවරයා රාජ්‍ය නායකයා වන්නේ “ඉන්න තැනින් එළියට ගිහින්ද,ඉන්න තැන ඉඳගෙනද” යන්න සිතා බලන්නැයි ඉල්ලීමක් කර තිබේ.
“මහාචාර්යතුමාලා දෙපලගේම කතාවේදී ඉඟියක් කළා.මා හිතවත් කාලෝ ෆොන්සේකා මහාචාර්යතුමා කිව්වා පළමු සෞඛ්‍ය ඇමති එස්.ඩබ්ලිව්.ආර්.ඩී.බණ්ඩාරනායක මහතා ඉන්න තැනින් එළියට ඇවිත් රටේ රාජ්‍ය නායකයා වුණා කියලා.”
“ඒ වගේම එතුමා කිව්වා වර්තමාන ජනාධිපති මෛත්‍රිපාල සිරිසේනත් සෞඛ්‍ය ඇමති විදියට ඉඳලා ඉන්න තැනින් එළියට ඇවිල්ලා රාජ්‍ය නායකයා වුණා කියලා. එම කරුණ හොඳයි මම ආශිර්වාද කරනවා. ඉන්න තැනින් එළියට ගිහින්ද,ඉන්න තැන ඉඳගෙනද කියලා මට ප්‍රශ්නයක් තිබෙනවා. ඒ ගැනත් හිතන්න කියලා සෞඛ්‍ය ඇමතිවරයාට කියනවා.” යි ජනාධිපතිවරයා කියා සිටියේය.
සෞඛ්‍ය අමාත්‍ය රාජිත සේනාරත්න හට ලෝක සෞඛ්‍ය සංවිධානයේ උප සභාපති ධුරය ලැබීම නිමිත්තෙන් උපහාර දැක්වීම සඳහා සංවිධානය කර තිබු “සුවපති අභිෂේකය” උත්සවයට එක්වෙමින් ජනාධිපති මෛත්‍රීපාල සිරිසේන මේ බව ප්‍රකාශ කර තිබේ.
තමන්ගේ “සැබෑ සටන් සඟයා” ලෙසයි ජනධිපතිවරයා විසින් රාජිත සේනාරත්න අමාත්‍යවරයා මෙහිදී හඳුන්වා දෙනු ලැබුවේ.
රාජිත සේනාරත්න අමාත්‍යවරයා ලද තනතුර පිළිබඳව අවංකවම සතුටු වන බව කී ජනාධිපතිවරයා ඇමැතිවරයාගේ දක්ෂතාවයන්, හැකියාවන්, නිර්මාණශීලිභාවයන්, අවංකම, එඩිතරකම ද ඇඟයීමට ලක් කළේය.
Facebook Comments
