ආණ්ඩුක්‍රම ව්‍යවස්ථාවට අනුව තමන් තවදුරටත් ශ්‍රී ලංකාවේ අග්‍රාමාත්‍යවරයා ලෙස කටයුතු කරන බව රනිල් වික්‍රමසිංහ පාර්ලිමේන්තු බහුතරය තමන් සතු බව ප්‍රකාශ කර තිබේ.
පාර්ලිමේන්තුවේ බහුතරය තවමත් තමන් සතුව පවතින බැවින් අගමැති ධුරයෙන් ඉවත්වීමේ අවශ්‍යතාවයක් නොමැති අරලියගහන් මන්දිරයේදී 26 සිකුරාදා මාධ්‍ය අමතමින් ඔහු කියා සිටියේය.
“ඔවුන්ට පාර්ලිමේන්තුවේ බහුතරයක් පෙන්වන්න බැහැ. මාව ඉවත් කරන්න පාර්ලිමේන්තුවේ මට එරෙහිව විශ්වාස භංගයක් ගෙන්න ඕනේ. නැත්නම් මම ඉල්ලා අස්වෙන්න ඕනේ ඒ විදිහටයි මාව අගමැතිධුරයෙන් ඉවත් කරන්න ඕනේ.” යැයි රනිල් වික්‍රමසිංහ පැවසීය.
අගමැති අර්බුධය විසඳා ගත හැක්කේ පාර්ලිමෙන්තුවේදී බව පෙන්වා දෙන රනිල් වික්‍රමසිංහ පාර්ලිමේන්තු බහුතරය පෙන්වන ලෙසට අභියෝග කළේය.
දේශපාලන පක්ෂ කිහිපයක් තවමත් සහාය දක්වන බවට පැවසු බව ද රනිල් වික්‍රමසිංහ මාධ්‍යවේදීන් වෙත කියා සිටියේය.
මේ අතර දෙමළ ජාතික සන්ධානය ඇතුළු සුළු පක්ෂ පාර්ලිමේන්තු බහුතරය පෙන්වීමට එක්සත් ජාතික පක්ෂයට සහාය දැක්වීමට සුදානමින් සිටින බව අජිත් පී පෙරේරා මන්ත්‍රීවරයා මාධ්‍ය වෙත පැවසීය.
Facebook Comments
