උසාවි භුමියේ මාධ්‍යවේදියාට තග දැමු පොලිස් පරීක්ෂක ගැන පැමිණිල්ලක්

0
80
Ivory Agency Sri Lanka
HailHost
wedding people

වැලිකඩ සිරකරු ඝාතන නඩුවේ විත්තිකරුවකු වන පොලිස් මත්ද්‍රව්‍ය නාශක කාර්යාංශයේ පොලිස් පරීක්ෂක නියෝමාල් රංගජීව තමන්ට අමානුශික ආකාරයෙන් සැළකු බවට චෝදනා කරමින් ඡායාරූප මාධ්‍යවේදියෙකු විසින් පොලිසියට පැමිණිල්ලක් ගොනු කර තිබේ.

නඩු විභාගයන් ආවරණය කිරීම සඳහා කොළඹ මහාධිකරණ පරිශ්‍රය තුළ රැඳී සිටි තමන් ඡායාරූපයක් ගනිමින් සිටියදී පොලිස් පරීක්ෂකවරයා විසින් බලහත්කාරයෙන් අධිකරණ පොලිස් මුරපොළ වෙත ඇදගෙන ගොස් එහිදී පහරදීමට තැත් කරන ලද බවයි මව්බිම පුවත්පතේ ඡායාරූප මාධ්‍යවේදී අකිල ජයවර්ධන පැමිණිලි කර ඇත්තේ.

තමන් මාධ්‍යවේදියකු බව පවසමින් තම අනන්‍යතාවය පෙන්වා දුන්න ද නියෝමාල් රංගජීව තමාව ඇදගෙන ගොස් පොලිස් මුරපොලට බාරදුන් බව පවසන අකිල ජයවර්ධන තම කැමරාවේ ජායාරුප ‘චිපයන්’ දෙක පොලිස් නිලධාරීන් විසින් ඉවත්කර ගත් බව වැඩි දුරටත් පැමිණිලි කර ඇත.

පලමු රාජපක්ෂ පාලන සමයේදී වැලිකඩ බන්ධනාගාරයේ රැඳවියන් ඝාතන කිරීම සම්බන්ධෙයන් පොලිස් මත්ද්‍රව්‍ය නාශක කාර්යාංශයේ පොලිස් පරීක්ෂක නියෝමාල් රංගජීව හට මහාධිකරණයේ අධි චෝදනා ගොනු කර ඇත.

Facebook Comments

HailHost