ශ්‍රී ලංකාවේ දී මාරන්තික කොරෝනා රෝගයට ගොදුරු පළමු රෝගීයා මෙන්ම එම වෛරසයට බිලිවු මුල්ම තැනැත්තාද සංචාරක මඟ පෙන්වන්නන් බව වාර්තා වේ.
කොරෝනා රෝගයට ගොදුරු වීමෙන් මාරවිල පදිංචි වයස අවුරුදු 60 ක් වු පිරිමි පුද්ගලයකු 27 සෙනසුරාදා මිය ගොස් තිබේ.
අංගොඩ උණ රෝහලේ ප්‍රතිකාර ලබමින් සිටි ඔහු වකුගුඩු බද්ධ කළ තැනැත්තෙක් වන අතර දියවැඩියා හා අධි රුධිර පීඩනයද සහිත රෝගියෙකු බව සෞඛ්‍ය අංශ නිවේදනය කළේය.
මෙරට තුල 27 සෙනසුරාදා වන විට කොරෝනා රෝගය වැළඳුන පුද්ගලයින් 113 දෙනෙකු තහවුරු කරගෙන ඇත.
ඉන් 9 දෙනෙකු සුවය ලබා ඇති අතර 109 දෙනක් රෝහල තුල ප්‍රතිකාර ලබමින් සිටින බව වංසගත රෝග විද්‍යා අංශ දත්ත වල සඳහන්වේ.
කොරෝනා රෝග ලක්ෂණ සහිත රෝගීන් 199 දෙනක් දිවයින පුරා වෛද්‍ය අධීක්ෂණයේ සිටින බවද එම වාර්තාවේ වැඩි දුරටත් සඳහන් කර ඇත.
අවුරුදු උදාව අවදානම්
කොරෝනා වෛරසය ආසාදිත බවට ශ්‍රී ලංකාවෙන් හදුනාගෙන ඇති රෝගීන් සමග ස්පර්ශක සබඳතා පැවැති පුරවැසියන් 19000 ක් හදුනාගෙන ඇති බැවින් සිංහල දෙමළ අවුරුදු උදාවේ මුළු රටේම රෝගය පැතිරීමේ අවදානමක් පවතින බවට රජයේ වෛද්‍යවරු අනතුරු අඟවති.
සමාජ දුරස්ථකරණය අසාර්ථකව සිදු කළ බටහිර රටවල දත්ත සමග සසදා බලන විට ශ්‍රී ලංකාවේ මාර්තු මස 25 සිට අප්‍රේල් 07 දක්වා කාලය තුළ රෝගීන් සංඛ්‍යාවේ විශාල වැඩි වීමක් බලාපොරොත්තු විය හැකි බවට රජයේ වෛද්‍ය නිලධාරීන්ගේ සංගමය අනාවැකි පළ කර ඇත.
Facebook Comments
