නිරෝධායනයේ ඇස් වසා පලාගිය සිව්මස් බිලිඳකු ඇල්ලීමට පොලිසිය දැල් එලයි

0
1562
Ivory Agency Sri Lanka
wedding people
Loading...

කොරෝනා වයිරස් රෝගය වැළඳීමෙන් ලෝකයේ වැඩිම පිරිසක් මරුමුවට පත් ඉතාලියේ සිට පැමිණි මාස හතරක බිලිඳකු ඇතුළු කුඩා ළමුන් පිරිසක් නිරෝධායනය මඟ හැර සිටින බවට චෝදනා කරන පොලිසිය ඔවුන් සොයා ගැනීමට ප්‍රසිද්ධ දැන්වීම් පළකර තිබේ.

“ඉතාලියේ සිට මෙරටට පැමිණ නිරෝධායනය සඳහා තොරතුරු ඉදිරිපත් නොකර මේ සමග අමුණා එවන ලේඛනයේ සඳහන් තැනැත්තන් නිරෝධායනයට යොමු කිරීම සඳහා සොයා ගැනීමට අවශ්‍ය වී ඇත.” යි පොලිස් මුලස්ථානය විසින් ජනමාධ්‍ය වෙත එවා ඇති නිවේදනයේ සඳහන් වේ.

මාධ්‍යවේදීන් වෙත ලබා දී ඇති දොළොස් දෙනකුගෙන් යුත් එම නාම ලේඛනයේ 9 දෙනකුම කුඩා දරුවන් වන අතර ඔවුන් හඳුනා ගත හැකි පරිදි පොලිසිය විසින් ඔවුන්ගේ ඡායාරූප ද ප්‍රසිද්ධ කර සොයා ගැනීමට මහජන සහාය ඉල්ලා ඇත.

පොලිස් නාම ලේඛනය බාල දරුවන්ගේ ඡායාරූප සහිතවම දේශිය මෙන්ම විදේශිය මාධ්‍ය විසින් පළ කර තිබෙනු දැක ගත හැකි විය.

අනන්‍යතාව හෙළි වීමෙන් එම දරුවන්ට කිසියම් අනතුරක් සිදුවුවහොත් එහි වගකීම කවුරුන් විසින් බාර ගනු ලබන්නේදැයි පොලිස් මුලස්ථානය හෝ එම ඡයාරූප පල කළ මාධ්‍යවේදීන් හෝ පැහැදිලි කර නැත.

Facebook Comments

Loading...