රට ස්ථාවරව පවත්වා ගැනිමේ වගකීම ඇති ජනාධිපතිවරයා තව තවත් රට අවුල් කරමින් සිටන බවට ජනතා විමුක්ති පෙරමුණ චෝදනා කර තිබේ.
ජනාධිපතිවරයා කටයුතු කරන්නේ අව සිහියෙන් දැයි සැක පළ කරන එම පක්ෂයේ ප්‍රචාරක ලේකම් විජිත හේරත් රට අස්ථාවර කිරීම පිළිබඳ වගකීම ජනපති විසින් බාර ගත යුතු බව කියා සිටියේය.
“පාර්ලිමේන්තු මන්ත්‍රීවරුන් 122ක් විශ්වාසභංගයට පක්‍ෂව ඡන්දය පාවිච්චි කළා. ඒ යෝජනාවට අනුව මහින්ද රාජපක්‍ෂ මහතා ඇතුලු පත් කරන ලද කැබිනට් ධුරද නිශේධනය වෙනවා. මේ මොහොත වනවිට රටේ අගමැතිවරයෙක් හෝ ඇමති මණ්ඩලයක් නැහැ.”
“මහින්ද රාජපක්‍ෂ අගමැතිවරයා සහ කැබිනට් මණ්ඩලය ඉවත් කිරීම සිදුකළේ ව්‍යවස්ථාවට අනුකූලවයි. දැන් කළ යුතුව තිබෙන්නේ ජනාධිපතිවරයා විසින් ඉදිරි ක්‍රියාමාර්ග ගැනීමයි. රට අස්ථාවර කරන්නේ නැතිව අරාජික කරන්නේ නැතිව අවුලෙන් අවුලට පත්කරන්නේ නැතිව රට ස්ථාවර කිරීමේ වගකීම තිබෙන්නේ ජනාධිපතිවරයාටයි. නමුත් ජනාධිපතිවරයා විසින් තව තවත් රට අවුල් කරමින් තිබෙනවා.” යි 15 බ්‍රහස්පතින්දා පැවති මාධ්‍ය හමුවකදී මන්ත්‍රීවරයා පැවසීය.
ජනාධිපති මෛත්‍රීපාල සිරිසේන තම බැරි කම නොපිළිගන්නා බව කී විජිත හේරත් මන්ත්‍රීවරයා කුමන්ත‍්‍රණ සියල්ල පරාජය වී ඇති බවයි වැඩි දුරටත් පෙන්වා දෙන්නේ.
Facebook Comments
