වත්මන් දේශපාලන තත්ත්වය පිළිබඳව හා ඉදිරි දේශපාලන කටයුතු සම්බන්ධයෙන් සකාච්ඡා කිරීමට එක්සත් ජාතික පක්ෂ විසින් ශ්‍රී ලංකා නිදහස් පක්ෂයට ආරාධනා කර තිබේ.
එජාප මහා ලේකම් අමාත්‍ය අකිල විරාජ් කාරියවසම් විසින් ලිපියක් යොමු කරමින් පක්ෂ දෙකෙහි ප්‍රධානින් අතර හමුවක් සංවිධානය කරන මෙන් ශ්‍රිලනිප මහලේකම් දයාසිරි ජයසේකර මන්ත්‍රීවරයාගෙන් ඉල්ලීමක්කර ඇත.
එක්සත් ජාතික පෙරමුණේ ජනාධිපති අපේක්ෂක සජිත් ප්‍රේමදාස අමාත්‍යවරයාගේ ජයග්‍රහණය වෙනුවෙන් ශ්‍රී ලංකා නිදහස් පක්ෂයේ සහාය ලබාගැනීම මෙහි අරමුණ වී ඇති බවයි එජාප ආරංචි මාර්ග පවසන්නේ.
මේ අතර ඉදිරි ජනපතිවරණය සම්බන්ධව ලබන සඳුදා පැවැත්වීමට නියමිත පක්ෂයේ මධ්‍යම කාරක සභාවේදී තීන්දු කිරීමට නියමිත බවයි ශ්‍රී ලංකා නිදහස් පක්ෂය සඳහන් කරන්නේ.
Facebook Comments
