ජනපති වෙබ් අඩවිය හැක් කිරීමට සැක පිට තරුණයෙක් අත්අඩංගුවට

0
741
Ivory Agency Sri Lanka
wedding people

ජනාධිපති මෛත්‍රීපාලගේ නිල වෙබ් අඩවිය හැක්කිරීම සම්බන්ධයෙන් සැකපිට 17 හැවිරිදි පාසල් සිසුවකු කඩුගන්නාවේදී අත්අඩංගුවට ගත් බව පොලිසිය පවසයි.

ජනාධිපතිවරයාගේ නිල වෙබ් අඩවිය (president.gov.lk) දින දෙකක් ඇතුලත දෙවතාවක් හැක් කිරීමේ අරමුණ කවරක්දැයි ඔහුගෙන් ප්‍රශ්න කිරීමට නියමිත බව පොලිසිය පැවසීය.

පසුගිය බ්‍රහස්පතින්දා දින වෙබ් අඩවිය හැක් කළ අතර ජනාධිපති මෛත්‍රීපාල සිරිසේන සහ අගමැති රනිල් වික්‍රමසිංහ වෙත නිකුත් කෙරුණු උපදෙස් කිහිපයක්ද හැකරුන් විසින් සිංහල භාෂාවෙන් එහි ප්‍රකාශයට පත් කර තිබුණි.

යලිත් සිකුරාදා දින වෙබ් අඩවිය හැක් කිරීමට ලක් වු අතර එය යතා තත්වයට පත් කරන ලද්දේ ඉරිදා දිනයේදීය.

මීට ඉහතද සැකකරුට විවිධ වෙබ් අඩවි වලට රහසේ පිවිසීම සම්බන්ධව චෝදනා ඇති බව පොලිසිය පෙන්වා දෙයි.

පරිගණක සම්බන්ධ චෝදනා පිළිබඳව කටයුතු කරන නීති විධිවිධාන ප්‍රකාර සැකකරුට එරෙහිව නීතිමය පියවර ගැනීමට නියමිත බව පොලිසිය වැඩි දුරටත් සඳහන් කරයි.

Facebook Comments