විප්ලවවාදී දේශපාලන පක්ෂ සඳහා මෙන්ම තමන් වැනි විප්ලවවාදී දේශපාලනඥයන්ට ධනපති පංතිය විසින් මුදල් ලබා නොදෙන බව පෙන්වා දෙන යහපාලන රජය බිහි කිරීමට උර දුන් විප්ලවවාදී වාම නායකයකු රටේ අධිකරණ අමාත්යවරයා එය නොදන්නා මෝඩයෙක් ලෙස නම් කරයි.
රාජ්ය නොවන සංවිධාන යම් යම් ප්රජාතන්ත්රවාදී කාර්යන් සඳහා ඇතැම් කණ්ඩායම් වෙත මුදල් ලබා දෙන බව පෙන්වා දෙන නව සම සමාජ පක්ෂයේ නායක ආචාර්ය වික්රමබාහු කරුණාරත්න සදහන් කරන්නේ එම මුදල් ලබා දෙන්නේ ද රජයට ණය ලබා දෙන රටවලින් බවයි.
අධිකරණ ඇමති විජයදාස රාජපක්ෂ පවසන ආකාරයට රාජ්ය නොවන සංවිධාන තහනම් කරන්නේ නම් මෙරටට ලබා දෙන ණය සහ ආධාරද නොලැබියාමේ අවදානම් පවතින බවටද ඔහු අනතුරු අගවයි.
යමක් පැවසීමට ප්රථම තොරතුරක නිවැරදීතාවය පරික්ෂා කල යුතු නමුත් අධිකරණ ඇමතිවරයා කිසිවක් නොසොයා නුගත් ආකාරයට හැසිරෙමින් රට අවුල් සහගත තත්ත්වය පත් කරන බවට ද ආචාර්ය වික්රමබාහු කරුණාරත්න චෝදනා කරයි.
ඔහු ඒ බව සිලෝන් ජර්නල්ස් සමග කියා සිටියේ නීතිඥ ලක්ෂාන් ඩයස්ට එරෙහිව කළ ප්රකාශයට විරෝධය පෑ වික්රමබාහුට මුදල් ලැබෙන බවට අධිකරණ අමාත්යවරයා විසින් රුපවාහිනී වැඩ සටහනකදී කළ ප්රකාශයක් සම්බන්ධයෙන් අදහස් දක්වමිනි.
Facebook Comments
