මුදල් ඇමති රවී කරුණනායක රට වටේම ගොස් මහජනතාවගෙන්, ව්‍යාපාරිකයන්ගෙන් හා විවිධ තරාතිරම් වල පුද්ගලයින්ගෙන් අයවැයට අදහස් ලබා ගත්තද ඒවා ඉදිරිපත් කරන ලද අයවැය යෝජනාවෙන් පිළිබිඔු නොවන බවට යහපාලන රජය පිහියුවීමට ප්‍රමුඛ කාර්යභාර්යක් සිදුකළ හෙළ උරුමය පවසනවා.
ජනතා සංවිධාන, සිවිල් සංවිධාන හා මැති ඇමතිවරුන් ප්‍රමුඛ විසි දෙදෙහසකින් පමණ අයවැය සැකසීමට අදහස් විමසු බවයි එම පක්ෂයේ ජාතික සංවිධායක නිශාන්ත වර්ණසිංහ ඊයේ (16) පැවති මාධ්‍ය හමුවකදී පෙන්වා දුන්නේ.
එම කිසිඳු අදහසක් අයවැය යෝජනාවට ඇතුලත්ව නැති බවත් දේශිය කර්මාන්ත නැංවීමට වැඩපිළිවෙලක් මෙම යෝජනා තුළ නොමැති බවටයි ඔහු චෝදනා කර සිටියේ.
යුක්තිය ප්‍රමාදයට උසාවියෙන් ජනතාවට මුදල්
අයවැය යෝජනාවේ ඇති නඩු පැවරීම සඳහා මුදලක් ලබා ගත යුතු බවට වන යෝජනාව සම්බන්ධවද නිශාන්ත වර්ණසිංහ අදහස් පළ කරනු ලැබුවා.
නඩු පැවරීමට ගාස්තුවක් අය කර ගැනීම වෙනුවට ඉදිරියේදී උසාවි තුළින් යුක්තිය ප්‍රමාද වීම සම්බන්ධව යම් ගාස්තුවක් අය කර ගත යුතු බවටයි ඔහු යෝජනා කර සිටියේ.
Facebook Comments
