රටක ව්‍යවස්ථාවක ප්‍රජාතන්ත්‍රවාදය හා අයිතිවාසිකම් පිළිඳව වගන්ති අඩුවෙන් ඇතුලත් කළ තරමට එය සැබෑ ව්‍යවස්ථාවක් බවට පත්වන බව ජ්‍යෙෂ්ඨ වාමාංශික මාධ්‍යවේදියෙක් පවසයි.
එය රුසියන් විප්ලවයේ නියමු වී. අයි. ලෙනින් විසින් පෙන්වා දී ඇති බවයි හරය පුවත්පතේ මාධ්‍යවේදි රණත් කුමාරසිංහ පවසන්නේ.
මර්ධනය වැඩි ව්‍යවස්ථාවක් සත්‍ය ව්‍යවස්ථාවක් වන්නේ එක් පන්තියක් තවත් පන්තියක් පාලනය කිරීමට ව්‍යවස්ථාව භාවිතා කරන නිසා බැව් වී. අයි. ලෙනින් පැහැදිලි කර දී ඇති බව ඔහු කියා සිටියේ ශ්‍රී ලංකාව සම්බන්ධයෙන් යෝජිත නව ව්‍යවස්ථාව පිළිබඳව සිලෝන් ජර්නල්ස් වෙත අදහස් දක්වමිනි.
ව්‍යවස්ථාවක් තුළ කුමන වගන්ති පැවතියද එම වගන්ති ක්‍රීයාත්මක වන්නේ පවතින සමාජ අරගලයේ ස්වාභාවයට සහ පාලන තන්ත්‍රයේ අවශ්‍යතාවය මත බව රණත් කුමාරසිංහ වැඩි දුරටත් පෙන්වා දෙයි.
පන්ති ව්‍යවස්ථාවක්
සෑම ව්‍යවස්ථාවක්ම පන්ති ව්‍යවස්ථාවක් ලෙස හඳුන්වන රනත් කුමාරසිංහ එක් පන්තියක් තවත් පන්තියක් පාලනය කිරීම එහි මුලික හරය බවත් ඒ මොහොතේ පවතින සමාජ අරගලය මත එහි ඇති වගන්ති වල වලංගු භාවය පවතින බවටත් විශ්වසය පල කරයි.
රටකට අලුත් ව්‍යවස්ථාවක් සකස් කලද එහි ඇති මානව හා ප්‍රජාතන්ත්‍රවාදි වගන්ති නිසි පරිදි ක්‍රියාත්මකවේද යන්න ප්‍රශ්නයක් බව කී මාධ්‍යවේදී රණත් කුමාරසිංහ එම වගන්ති ක්‍රීයාත්මක වෙනවාද නැද්ද යන්න තීරණය වන්නේ ඒ මොහොතේ පවතින සමාජ තත්ත්වය මත බව පෙන්වා දෙයි.
රටක ප්‍රජාතන්ත්‍රවාදය ශක්තිමත් නොකර ආර්ථික සංවර්ධනය ඇති කළ නොහැකි බව අවධාරණය කරන ඔහු වෙළද පොළ සහ ජන කොටස් ඒකාරාශි කිරීමට සම්පුර්ණයෙන්ම යල් පැන ගිය හා කෑළි ඇමුණු ව්‍යවස්ථාවකට කල නොහැකි බැවින් මේ මොහොතේ ශ්‍රී ලංකාවට අලුත් ව්‍යවස්ථාවක අවශ්‍යතාවය පවතින බවද සඳහන් කළේය.
නායකයන් සුදානම්ද
පැවති පාලනය පෙරලා දමා ප්‍රජාතන්ත්‍රවාදි පාලන ක්‍රමයක් මෙරට ඇති කිරීමට දායක වු කොටස් නව ව්‍යවස්ථාව කෙසේ සකස් විය යුතුද යන්න තීරණය කල යුතු අතර ප්‍රජාතන්ත්‍රවාදය දිනා ගැනීමට දායක වු සිංහල, දෙමළ සහ මුස්ලිම් ජන කොටස් වල මැදිහත්වීම මත නව ආණ්ඩුක්‍රම ව්‍යවස්ථාව ගෙන ආ යුතු බවට ජ්‍යෙෂ්ඨ මාධ්‍යවේදි රණත් කුමාරසිංහ යෝජනා කරයි.
නව ව්‍යවස්ථාවට එරෙහි බලවේග වලට මුහුණ දිය යුත්තේ ජයග්‍රාහී බලවේග විසින් බැව් පෙන්වා දෙන ජ්‍යෙෂ්ඨ මාධ්‍යවේදියා ජන බලය මෙහෙය වන නායකයන් ජාතිවාදී බලවේග පසුබැස්සවීමට සුදානම්ද යන්න ප්‍රශ්න කර සිටී.
Facebook Comments
