යාපනයේ ශිවයෝගනාදන් විද්‍යා දැරිය ඝාතනය කිරීමේ සිද්ධියේ ප්‍රධාන සැකකාරට රැකවරණය දීම සහ පැන යෑමට ආධාර අනුබල දීමේ චෝදනා සම්බන්ධයෙන් අත්අඩංගුවට ගනු ලැබූ ජ්‍යෙෂ්ඨ නියෝජ්‍ය පොලිස්පති ලලිත් ජයසිංහ ජූලි 25 වන දින දක්වා රක්ෂිත බන්ධනාගාර ගත කර තිබේ.
ජ්‍යෙෂ්ඨ නියෝජ්‍ය පොලිස්පතිවරයා ඊයේ කයිට්ස් මහේස්ත්‍රාත් අධිකරණයට ඉදිරිපත් කිරීමෙන් පසු එහි වැඩබලන මහේස්ත්‍රාත්වරයා විසින් මෙම නියෝගය ලබා දී ඇත.
යාපනය, පුංකුඩතිව් හි පදිංචිව සිටි විද්‍යා දැරිය පැහැරගෙන ගොස් සමූහ දූෂණයට ලක්කොට ඝාතනය කිරීමේ සිද්ධියේ ප්‍රධාන සැකකරු බව කියන මහලිංගම් ශෂිකුමාර් යන අය ප්‍රදේශවාසීන් විසින් අල්ලා පොලීසියට බාරදී ඇතත් කයිට්ස් පොලීසිය විසින් ජ්‍යෙෂ්ඨ නියෝජ්‍ය පොලිස්පතිවරයාගේ බලපෑම් මත ඔහු නිදහස් කර ඇතැයි කියවේ.
සැකකරුට පලායන්නට අනුබලදීම යන චෝදනාව යටතේ ජ්‍යෙෂ්ඨ නියෝජ්‍ය පොලිස්පති ලලිත් ජයසිංහ අත්අඩංගුවට ගෙන අධිකරණයට ඉදිරිපත් කර තිබුණේ යාපනය මහාධිකරණයේ ත්‍රිපුද්ගල විනිසුරු මඩුල්ලක් හමුවේ අඛණ්ඩව විභාග කෙරෙන විද්‍යා ඝාතන නඩුවේ සාක්ෂි විමසීම් සිදුවන අතරතුරදීය.
Facebook Comments
