යහපාලනයේදීත් නොනවතින වද දීම් සහ ලිංගික දුෂණ

0
804
Ivory Agency Sri Lanka
wedding people
Loading...

ශ්‍රී ලංකාවේ දෙමළ ජනයා පැහැර ගෙන ගොස් නීති විරෝධි ලෙස රඳවාගෙන වද හිංසා සිදු කිරිම සහ ලිංගික දුෂණ යහපාලන රජය යටතෙත් සිදු වන බවට ජාත්‍යන්තර සංවිධානයක් හෙළි කරයි.

පැහැරගෙන ගොස් සිදු කරන වද දීම් සහ ලිංගික දුෂණ වලට යුද හමුදාව මෙන්ම පොලිසිය සම්බන්ධ බවට ශ්‍රී ලංකාවේ සත්‍යය හා යුක්තිය සඳහා වන ජාත්‍යන්තර ව්‍යාපෘතිය (ITJP) සිය වාර්තා මඟින් පෙන්වා දෙයි.

සිය වාර්තාව එළිදක්වමින් 15 සෙනසුරාදා පැවති උත්සවයේදී ශ්‍රී ලංකාවේ සත්‍යය හා යුක්තිය සඳහා වන ජාත්‍යන්තර ව්‍යාපෘතියේ විධායක අධ්‍යක්ෂිකා යැස්මින් සුකා “කාන්තාවන්ට සහ පිරිමින්ට ලිංගික වධහිංසා කළ හමුදා සෙබළියන්ද ඉන්නා බවට අපට තොරතුරු ලැබී තිබේ.” යි පැවසීය.

මෙම කෙලසීම් ආරක්ෂක හමුදාවන් හි විධාන ව්‍යුහය මඟින් ආයතනික වශයෙන් අනුමත කිරිම දිගටම සිදුවන පවසන ITJP සංවිධානය ජේෂ්ඨ්‍ය නිලධාරින් තමන් සිටි වධකාගාර වලට පැමිණි බව වාර්තාවට සාක්ෂි දුන් සාක්ෂිකරුවන් කියා ඇත.

ආරක්ෂක කණ්ඩායම් තුනක් මඟින් සැලසුම් සහගතව මෙම ක්‍රියා සිදු වන අතර එක් කණ්ඩායමක් පැහැර ගැනීමටත්, තවෙකක් ප්‍රශ්න කිරීමට සහ අනෙකා මුදල් ගෙන මුදා හැරීමට සම්බන්ධ බව එම සංවිධානය චෝදනා කරයි.

කප්පම් ගෙන නිදහස් කරයි

මෙම වින්දිතයන් මුදා හැරිමෙන් පසුව ඔවුන් නිහඬව තබා ගැනීම සඳහා එම පවුල් බුද්ධි අංශ වල සෝදිසිය යටතේ තබා ගෙන ඇති බව ශ්‍රී ලංකාවේ සත්‍යය හා යුක්තිය සඳහා වන ජාත්‍යන්තර ව්‍යාපෘතිය නිකුත් කල වාර්තාවේ දැක්වේ.

වධකගාර පවත්වාගෙන යාම හුදෙක් ආරක්ෂක අංශ වල පහල මට්ටමේ “අපතයන්ගේ” ක්‍රියා කලාපයක් නොවන බැව් පෙන්වා දෙන එම සංවිධානය රැඳවියන් ඒ වෙනුවෙන්ම සැකසු වධක උපකරණ සහිත වධකාගාර සිරකුටි රඳවා තබා ඇති බව පවසයි.

මෙසේ පැහැර ගැනෙන පුද්ගලයින් මුදල් ගෙවීමෙන් පසු නිදහස් කර ඇති බව මෙන්ම පැහැර ගැනීම් සම්බන්ධව පවුලේ පුද්ගලයින් යුහුසුළුව මැදිහත්ව නොවු කල ආරක්ෂක අංශ නිලධාරින් කප්පම් ලබා ගැනීමට මැදිහත්ව ඇත.

බ්‍රෝකර්වරුන්ගේ මිනිස් ජාවාරම

නිදහස් කිරිම් අඩක් සඳහාම අතරමැදි බ්‍රෝකර් කම් කර ඇත්තේ ඊලම් ජනතා ප්‍රජාතන්ත්‍රවාදි පක්ෂය (EPDP) වන අතර එම පක්ෂයේ කිසිවෙක් මේ සම්බන්ධ පරීක්ෂණ වලට භාජනය කර නොමැත.

පැහැර ගැනුන පුද්ගලයින් නිදහස් කිරිමෙන් පසු විදේශ ගතවීමට මිනිස් ජාවාරම සිදු කරනු ලබන්නේද ඔවුන් විසින්ම වන අතර ශ්‍රී ලංකා ගුවන් තොටුපලේ ආගමන විගමන නිලධාරින්ද මෙම ජාවාරමට සහය වී ඇති බව ITJP සංවිධානය කියා සිටියි.

ජෝසප් කෑම්ප්

ජෝසප් කෑම්ප් ලෙසින් හඳුන්වන වන්නි ආරක්ෂක සේනා මුලස්ථානයේ 2016/17 වසර වලදි යුද හමුදාවට අමතරව ත්‍රස්ත විමර්ශන ඒකකය හා පොලිසිය පුද්ගලයින්ට වද හිංසා සිදු කර ඇති අතර ඒ සමයේදී දෙමළ හත් දෙනෙකුට වධ දී තිබෙන අතර තවත් රැඳවියන් කෑමොර දෙනු නිදහස් වුවන්ට ඇසී තිබේ.

පිරිමින්ට කෙරෙන ලිංගික හිංසන ඉතා ඉහල ප්‍රමාණයක් ITJP සංවිධානයට වාර්තා වී ඇති අතරම වින්දිතයින් එම අත්දැකීම් වලින් මිදීමට පොර බදන අතරම අපර්කිර්තිය හේතුවෙන් තමන්ට සිදු වු දේ හෙළි කිරිමට මැලි වෙති.

දේශපාලනය වෙනුවෙන් නිහඬ පිළිවෙතක්

නොනවත්වා කෙරෙන අපරාධයන් සම්බන්ධව දිගින් දිගටම විශ්වසනීය සාක්ෂි ලබා දී තිබියදීත් වගකිව යුත්තන් එම වගකීමෙන් බැඳ තැබීමට පියවර නොගෙන ශ්‍රී ලංකා ආණ්ඩුව අපරාධ සහායක වී තිබීම ITJP සංවිධානය දැඩිව දෝෂ දර්ශනයට ලක් කරයි.

මෙම සිද්ධින් වලට සම්බන්ධ වගකිය යුතු ආරක්ෂක අංශ ව්‍යුහ උගුලා දමා මැතිවරණ හෝ දේශපාලන සහය නැති කර ගැනිමේ අවදානම වෙනුවට දෙමළ ජනයාට කෙරෙන වධහිංසා අනුමත කරමින් පුරා මාස තිහක් තිස්සේ ශ්‍රී ලංකා රජය නිහඬ පිළිවෙතක් අනුගමන කරමින් සිටින බව ITJP සංවිධානයේ මඟ හැර යා නොහැකි නිගමනය වී තිබේ.

 

Facebook Comments

Loading...