අක්රමිකතා, අවභාවිතා සහ වැරදි ක්රියාවල යෙදෙන සියලුම හමුදා නිලධාරීන්ට එරෙහිව තරාතිරම නොබලා වරදට දඬුවම් දෙන බවට ශ්රී ලංකා යුද හමුදාවේ නව හමුදාපතිවරයා අනතුරු අඟවයි.
“අක්රමිකතා, අවභාවිතා සහ වැරදි ක්රියාවල දී ජෙනරාල්ගේ සිට සාමාන්ය සෙබලා දක්වා මම එක හා සමානව යුක්තිය ඉෂ්ඨ කරමි,” යි ලුතිනන් ජෙනරාල් මහේෂ් සේනානායක පවසා තිබේ.
නව යුද හමුදාපති ලෙස වැඩ භාරගැනීමෙන් අනතුරුව ලුතිනන් ජෙනරාල් මහේෂ් සේනානායක 10 සඳුදා උදෑසන මුල්ම වතාවට ජ්යෙෂ්ඨ නිලධාරින් සහ නිලධාරින් යුද්ධ හමුදා මුලස්ථානයේ දී ඇමතූ අවස්ථාවේ “ජනරාල්ගේ සිට සෙබලා දක්වා” සියලුම දෙනා සම්බන්ධයෙන් එක හා සමානව යුක්තිය ඉටු කරන බව අවධාරණය කර ඇත.
කෙසේ වෙතත් යුද හමුදාවට එල්ල වී තිබෙන යුද අපරාධ හා බරපතල මානව හිමිකම් උල්ලංඝන චෝදනා සම්බන්ධයෙන් ගන්නා පියවරක් පිළිබඳව නව හමුදාපතිවරයා නිලධාරීන් හමුවේ කිසිත් පවසා නැත.
“අපගේ සංවිධානයේ ‘ශක්තිය’ විනය බවත් සෑම විටම සියලු දෙනාම සිත්හි තබා ගත යුතුය.” යි යුද හමුදාපති ලුතිනන් ජෙනරාල් මහේෂ් සේනානායක වැඩිදුරටත් ප්රකාශ කළේය.