හම්බන්තොට සංවර්ධනයට අදාළ ගිවිසුම හොර ගිවිසුමක් නොවන බව පවසන අගමැතිවරයා එය පාර්ලිමේන්තුවට ඉදිරිපත් කිරීමෙන් පසු වාද කිරීමට හැකියාව තිබෙන බව සදහන් කරයි.
අග්‍රාමාත්‍යවරයා 09 සදුදා පාර්ලිමේන්තුවේ දී මේ බව ප්‍රකාශ කරඇත්තේ හම්බන්තොට වරාය ගැටළුව සහ ගිවිසුම සම්බන්ධයෙන් ඇති වී තිබෙන තත්ත්වය සම්බන්ධයෙන් ප්‍රශ්න කරමින් ස්ථාවර නියෝග 23(02) යටතේ විමසූ පැනයකට පිළිතුරු ලබාදෙමිනි.
“කාරණා ගණනාවක්,අනෙක් ඇමතිවරුත් ප්‍රකාශ කළා. සිකුරාදා මහාසංඝරත්නයට පැහැදිළි කළා. අපිට මේ ගෙවන්න බැරි මිලියන 1300ක් තිබෙනවා. ඩොලර් මිලියන 5000ක ආයෝජන ලබාගෙන තිබෙනවා. පළමු ආයෝජනය ශ්‍රී ලාංකිකයෙක් සිමෙන්ති සමාගම ඉදි කරන්න යන්නේ”.ඔහු වැඩි දුරටත් පවසා තිබේ.
යෝජිත ආයෝජන කලාපයකට තෙල්පිරි පහදුවක්, විදුලි බලාගාරයක්, නැව් තඨාකයක් මෙන්ම තවත් සිමෙන්ති කර්මාන්තශාලාවක් අයත් වන අතර ඉඩම් ගන්නවාද නැද්ද සම්බන්ධයෙන් සොයාබැලීමට කොමිටියක් පත් කර තිබෙන බවද අගමැති රනිල් වික්‍රමසිංහ තවදුරටත් සදහන් කර ඇත.
“ජනාධිපතිතුමා කිව්වා, එපා නම් පොළොන්නරුවට දෙන්න කිව්වා. මොණරාගල ඇමැතිවරු කියනවා මොණරාගලට දෙන්න කියනවා. ඉතින් එපාද? හම්බන්තොට එපාද? ඕනැද එපාද? මේක ඕන නැද්ද කියලා කියන්න.ඔබතුමාලා යෝජනාවක් ගෙන්න. අපි ඉඩදෙන්නම්. කරුණා කරලා ප්‍රතික්ෂේප කරලා, හිටපු ජනාධිපතිතුමාගෙන් ලියුමක් ඕන,නිතිවිරොධි නම්” ඔහු පාර්ලිමේන්තුවේදී පවසා තිබේ.
Facebook Comments
