වැලිකඩ බන්ධනාගාරයේ විසි හත් දෙනකු ඝාතනය කිරීමේ සිද්ධිය මිලේච්ජ අත්දැකීමක් බව පවසන පුරවැසි බලය නියෝජනය කරන ප්‍රවීන රංගන ශිල්පීයෙක් එය අර්ථ දක්වන්නේ හිට්ලර්ගේ ඝාතන සංස්කෘතිය සිහි කරවන සිදුවීමක් ලෙසයි.
වැලිකඩ ඝාතනයට යුක්තිය ඉල්ලා සාධාරණ සමාජයක් සදහා වු ජාතික ව්‍යාපාරය විසින් ජනාධිපති පදවි ප්‍රාප්තියේ දෙවර්ෂ පූර්ණය උත්සවාකාරයෙන් සැමරෙද්දී වැලිකඩ බන්ධනාගාරය ඉදිරිපිටදී මාධ්‍ය හමුවක් පවත්වමින් ප්‍රවීන රංගන ශිල්පී ලක්ෂ්මන් මෙන්ඩිස් ඒ බව පැවසීය.
වැලිකඩ ඝාතනයේ මිනී මරුවන් හෙලි කරන ලෙස හා මෙම ඝාතනයට අණ දුන් පුද්ගලයන් හෙළි කරන ලෙසට ඔහු ආණ්ඩුවට බල කර සිටියේය.
පස් වසරකට ඉහත දී වැලිකඩ බන්ධනාගාරයේ විසි හත් දෙනකු ඝාතනය කිරීමේ සිද්ධිය සම්බන්ධයෙන් සොයා බැලීමට අධිකරණ අමාත්‍යාංශය විසින් පැවැත්වූ පරීක්ෂණට අදාල වාර්තාවේ නිර්දේශ වහාම ක්‍රියාත්මක කරන ලෙස සිවිල් සංවිධාන රජයට බල කර මෙම විරෝධතාවය සංවිධානය කර තිබුණී.
වැලිකඩ සිරකරුවන්‍ගේ ඝාතන සම්බන්ධයෙන් අධිකරණ අමාත්‍යවරයා වෙත භාරදී තිබෙන වාර්තාවේ නිර්දේශ ක්‍රියාත්මක කරනු ඇතිදැයි බලා සිටියත් ඔහු ඒ වාර්තාව සම්බන්ධයෙන් “වචනයක්වත් කතා නොකරන” බවයි සාධාරණ සමාජයක් සදහා වු ජාතික ව්‍යාපාරය චෝදනා කර සිටියේ.
Facebook Comments
