ඇමතිවරයෙක් සම්බන්ධ කර ගනිමින් කෙහෙල් ගෙඩි බෙදා දීම ගැන පරීක්ෂණ පවත්වන රහස් පොලිසිය වැලිකඩ ඝාතකයන් පිළිබඳව පරික්ෂණ පැවැත්වීමට මැලිකමක් දක්වන බවට රැඳවියන්ගේ අයිතිවාසිකම් වෙනුවෙන් පෙනී සිටින සංවිධානයක් චෝදනා කරයි.
වැලිකඩ බන්ධනාගාරයේ සමූහ ඝාතනය සම්බන්ධයෙන් අපරාධ නීතිය ක්‍රීයාත්මක කරනවා වෙනුවට වන්දි ගෙවා එම සිදු වීම යටපත් කිරිමට වත්මන් රජය උත්සාහ දරන බවයි වැලිකඩ රැඳවියන්ගේ අයිතිවාසිකම් සුරැකිමේ කමිටුවේ නීතිඥ සේනක පෙරේරා පෙන්වා දෙන්නේ.
පස් වසරකට ඉහතදී රජයේ ආරක්ෂ අංශ විසින් වැලිකඩ බන්ධනාගාරයේ සිදු කරන ලද මෙහෙයුමකදී සිරකරුවන් 27 දෙනකු ඝාතනය කිරීම සම්බන්ධව විධිමත් පරීක්ෂණයක් පවත්වන ලෙස ඉල්ලා අභියාචනාධිකරණයට ගොනු කළ පෙත්සම 07 සිකුරාදා විභාගයට ගත් අවස්ථාවේදී යුක්තිය සහතික කරන ලෙස ඉල්ලා අලුත් කඩේ උසාවිය ඉදිරිපිට නිහඬ විරෝධතාවක් පැවැත්වුණි.
නීතිය ඇදලා දෙකට කැඩිලා
සිරකරුන් ඝාතනය කිරිම සම්බන්ධව සියලු සාක්ෂි තමන් සතුව ඇති බව පවසන නීතිඥ සේනක පෙරේරා එසේ සාක්ෂි තිබියදීත් රජය නිද්‍රාශීලි පිළිවෙතක් අනුගමනය කිරිම දැඩිව දෝෂ දර්ශණයට ලක් කළේය.
පසුගිය රාජපක්ෂ පාලන සමයේ දී වැලිකඩ බන්ධනාගාරයේ සිදු කරන ලද මෙහෙයුමකදී සිරකරුවන් 27 දෙනකු ඝාතනය කල අතර එම සිදුවීමට සම්බන්ධ වරදකරුවන් වත්මන් රජයේ ප්‍රබල ඇමතිවරන් විසින් ආරක්ෂා කරන බවට වැලිකඩ ඝාතනයේ ඇසින් දුටු සාක්ෂිකරුවෙක් වන සුදේශ් නන්දිමාල් කියා සිටි.
“නීතිය ඇදෙනව නීතිය ඇදල, ඇදල දෙකට කැඩිල මෝරු තෝරු ටික ඉතිරි කරල හාල් මැස්සෝ ඉන්න පැත්ත තමා ඇතුලට දාන්නේ”. යි හෙතෙම පැවසීය.
වාර්තා කෝ
රාජපක්ෂ පාලන සමයේ සිදුවු ඝාතන සහ පැහැර ගැනීම් සම්බන්ධව පරික්ෂණ පවත්වන බවට පොරොන්දු දෙමින් බලයට පැමිණි යහපාලන රජය ඇතැම් සිදුවීම් සම්බන්ධව වාර්තා පවා තිබියදී ඒ සම්බන්ධව ගත් ක්‍රියා මර්ගය කුමක් දැයි ලංකා ගුරු සේවා සංගමයේ ජෝශප් ස්ටාලින් ප්‍රශ්න කරයි.
වැලිකඩ ඝාතන මෙන්ම කටුනායක කම්කරු රොෂේන් චානක ඝාතන සම්බන්ධයෙන් සකස් කෙරුණු අවසන් වාර්තා ජනාධිපතිවරයා අත‍ට පත් කල නමුත් ඒ සම්බන්ධව කිසිඳු සාධනීය පියවරක් ගැනීමට හෝ එම වාර්තා ප්‍රසිද්ධ කිරීමට ජනපති අසමත් වී ඇති බවටයි චෝදනා කරන්නේ.
පොලිසිය සහ නීතිපති දෙපාර්තුමේන්තුව තමන් යටතට පත් කරන්නේ නම් පරික්ෂණ ක්‍රීයාත්මක කරන බවට පවසන ජනාධිපති මෛත්‍රීපාල සිරිසේන මේ වන විටත් ඔහුට බාර දී ඇති පරීක්ෂණ වාර්තා සම්බන්ධ ගත් පියවර කුමක් දැයි ජෝශප් ස්ටාර්ලින් වැඩිදුරටත් ප්‍රශ්න කළේය.
වැලිකඩ සිරගෙදරට සන්නද්ධව කඩා වැදුණු රජයේ ආරක්ෂක හමුදා සහ සිරකරුවන් අතර 2012 නොවැම්බරයේ ගැටුමකින් මියගිය අයට අමතරව හතළිහකට නොඅඩු පිරිසකට තුවාල සිදුවු අතර බන්ධනාගාරයේදී විසි හත් දෙනකු ඝාතනයට ලක් විය.
සිද්ධිය සම්බන්ධව සොයා බැලීම සඳහා යහපාලන රජය විසින් පත් කරන ලද විමර්ශන කමිටු වාර්තාව විශ්‍රාම ලත් විනිසුරු නිමල් නම්බුවසම් අගමැති රනිල් වික්‍රමසිංහ හමුවේ අධිකරණ අමාත්‍ය විජයදාස රාජපක්ෂ වෙත භාර දෙන ලද්දේ 2015 ජුනි මාසයේදී වන අතර එය මෙතෙක් ප්‍රසිද්ධියට පත් කර නොමැත.
Facebook Comments
