රටේ ඇතිවී තිබෙන උද්ඝෝෂණ රැල්ල පාලනය කිරීමට සහ රට තුළ විනය සකස් කිරීම සඳහා යුද හමුදාපති ධූරය හෝ ත්‍රිවිධ හමුදා මෙහෙයවීමේ වගකීම භාර විශේෂ තනතුරක් භාර ගන්නා ලෙස ජනාධිපතිවරයා විසින් ෆීල්ඩ් මාර්ෂල් සරත් ෆොන්සේකාගෙන් ඉල්ලා තිබේ.
අමාත්‍ය ධූරයෙන් ඉල්ලා අස්වී මෙම තනතුර බාර ගන්නා ලෙසට ජනධිපතිවරයා කැබිනට් මණ්ඩල රැස්වීමේදී සරත් ෆොන්සේකාගෙන් ඉල්ලා සිටි බව සම කැබිනට් ප්‍රකාශක රාජිත සේනාරත්න අද (26) පැවති කැබිනට් තීරණ දැනුම් දීමේ මාධ්‍ය හමුවේදී හෙළි කළේය.
මේ වන විට රටේ විනය පිරිහී ඇති බව පවසන අමාත්‍ය රාජිත සේනාරත්න විනයක් නොමැති රටක් සංවර්ධනය නොවන බැවින් ජනාධිපතිවරයා මෙවැනි ක්‍රියාමාර්ගයක් ගැනීමට තීරණය කල බවයි කියා සිටියේ.
නිසි බලතල සහිතව තනතුරක් ලබා දෙන්නේ නම් එවැනි වගකීමක් බාර ගැනීමට ෆීල්ඩ් මාර්ෂල් සරත් ෆොන්සේකා කැමැත්ත පල කල බවද ඇමති රාජිත වැඩිදුරටත් ප්‍රකාශ කළේය.
Facebook Comments
