වරණීය බදු සහනය ලැබීම ස්ථිරයි

0

ශ්‍රී ලංකාව විසින් සිදු කරනු ලැබු මානව හිමිකම් උල්ලංඝනය කිරීම් හේතුවෙන් සත් වසරකට පෙර ලංකාවට අහිමි වු GSP+ බදු සහනය නැවත ශ්‍රී ලංකාවට ලබා දීමට යුරෝපා සංගමයේ අනුමැතිය ලැබෙනු ඇති බවට බෙල්ජියමේ බ්‍රසල්ස් නුවරට ගොස් සිටින ආණ්ඩුවේ ප්‍රබල මන්ත්‍රීවරයෙක් දැඩිව විශ්වාසය පළ කරයි.

යුරෝපානු පාර්ලිමේන්තුවේ වාමාංශික සහ හරිත මන්ත්‍රීවරුන් කණ්ඩායමක විරෝධය හමුවේ ශ්‍රී ලංකාවට යුරෝපා GSP+ සහනය නොලැබී යාමේ අවදානම හමුවේ එයට මැදිහත් වීම සඳහා ශ්‍රී ලංකා රජය වෙනුවෙන් බෙල්ජිමයට ගොස් සිටින නියෝජ්‍ය විදේශ අමාත්‍යවරයා ප්‍රමුඛ කණ්ඩායමේ පුත්තලම දිස්ත්‍රික් පාර්ලිමේන්තු මන්ත්‍රී හෙක්ටර් අප්පුහාමි මන්ත්‍රීවරයා සිලෝන් ජර්නල්ස් හා මේ බව ප්‍රකාශ කළේය.

ජනතා විමුක්ති පෙරමුණේ සුනිල් හඳුන්නෙත්ති, දෙමළ ජාතික සන්ධානයේ එස්. ශ්‍රීධරන් සහ ප්‍රජාතන්ත්‍රවාදී වාමාංශික පෙරමුණේ වාසුදේව නානායක්කාර ඇතුළු මන්ත්‍රීවරුන්ද බදු සහනය ලබා ගැනීම වෙනුවෙන් සහාය ලබා ගැනීමට බෙල්ජීමයට ගොස් සිටින කණ්ඩායමේ සිටින බවයි හෙක්ටර් අප්පුහාමි මන්ත්‍රීවරයා බ්‍රසල්ස් නුවර සිට දුරකතනය ඔස්සේ එක්වෙමින් සිලෝන් ජර්නල්ස් වෙත කියා සිටියේ.

සිවිල් සහ දේශපාලන අයිතීන් පිළිබඳ ජාත්‍යන්තර සම්මුතිය, වධහිංසාවට එරෙහි සම්මුතිය හා වාර්ගික අගතිය දුරු කරලීම සඳහා වන සම්මුතිය ආදී GSP+ හෙවත් වරණිය බදු සහනය සම්බන්ධයෙන් සෘජුවම අදාළ ප්‍රඥප්ති සම්බන්ධ ප්‍රතිසංස්කරණ ක්‍රියාවේ යෙදවීමට ශ්‍රී ලංකා රජය අපොහොසත් වීම හේතුවෙන් එම බදු සහනය ලංකාවට ලබා නොදෙන ලෙසට යුරෝපානු පාර්ලිමේන්තුවේ වාමාංශික සහ හරිත මන්ත්‍රීවරුන් කණ්ඩායමක විසින් සභාගත කර ඇති යෝජනාවේ සඳහන් වෙයි.

හෙට දිනයේ පැවැත්වෙන ඡන්ද විමසීමේදී එම යෝජනාවට අඩු වශයෙන් මන්ත්‍රීවරුන් 373 දෙනකුගේ සහාය ලැබුනොත් ශ්‍රී ලංකාවට GSP + බදු සහනය නොලැබී යනු අතර කෙසේ වෙතත් ශ්‍රී ලංකාව එම යෝජනාව ස්ථිර වශයෙන්ම ජය ගනු ඇති බවටයි රජය විශ්වාසය පළ කරන්නේ.

Facebook Comments

wedding people