දරිද්‍රතාවය සහ ඒ ආශ්‍රිත ගැටලු සම්බන්ධ ගවේෂණාත්මක වාර්තාකරණය පිළිබඳව පිරිනමන අධිශිෂ්‍යත්ව වැඩසටහනක් සඳහා පුවත්පත්, ගුවන්විදුලි, රූපවාහිනි සහ වෙබ් මාධ්‍යවේදීන්ගෙන් අයඳුම්පත් කැඳවා ඇත.
මෙම වැඩසටහන මෙහෙයවන දරිද්‍රතා විශ්ලේෂණ කේන්ද්‍රය (CEPA) පවසන්නේ තරගකාරී පදනමක් යටතේ තෝරාගන්නා මාධ්‍යවේදීන් 15 දෙනකු සඳහා දරිද්‍රතාවයේ විවිධ ස්වරුප පිළිබඳ අවබෝධයක් ලබා දී දරිද්‍රතාවය සම්බන්ධයෙන් අනාවරණය නොවුණු සහ වාර්තා නොවුණු අංශ හඳුනා ගැනීම සඳහා උපදෙස් ලබා දීමත් තම අරමුණ බවයි.
වැඩසටහන සඳහා ස්ත්‍රී පුරුෂ දෙපාර්ශවයෙන්ම සහ සිංහල, දෙමළ සහ ඉංග්‍රීසි යන භාෂා ත්‍රිත්වයෙන්ම කටයුතු කරන ප්‍රවෘත්ති වාර්තාකරුවන්, විශේෂාංග ලේඛකයන්, විද්‍යුත් මාධ්‍ය නිෂ්පාදකයන් හා අන්තර්ජාල මාධ්‍යවේදීන් තෝරා ගනු ලබන අතර, ක්ෂේත්‍ර චාරිකා වෙනුවෙන් දීමනාවක් ලබා දෙනු ඇත.
මෙම වැඩසටහන සඳහා පුර්ණකාලීන, අර්ධ කාලීන සහ නිදහස් මාධ්‍යවේදීන්ට අයදුම් කළ හැකි අතර තමන් විසින් වැඩසටහනේ දී සම්පාදනය කරනු ලබන ගවේෂණාත්මක ලේඛනය හෝ ශ්‍රව්‍ය දෘශ්‍ය වැඩසටහන ස්වකීය මාධ්‍ය ආයතනයේ පළ කිරීම සඳහා සංස්කාරකවරයා හෝ නිෂ්පාදකයා විසින් අනුමැතිය ලබාදුන් බවට ලිපියක් අයැදුම් පත සමග එවිය යුතුය.
CEPA වෙබ් අඩවියේ සබැඳියට පිවිසීමෙන් අයැදුම් කිරීමටත්, විස්තර දැනගැනීමටත් පහසුකම් සලසා ඇති බව එම ආයතනය පවසයි.
Facebook Comments
