මංගල සරවීර අමාත්‍යවරයා විසින් සජිත් ප්‍රේමදාස ඇමැතිවරයා අගමැති ධුරයට පත් කිරීම සඳහා කුමන්ත්‍රණයක් දියත් කර ඇති බවට අගමැතිවරයාගේ උපදේශිකාවක් චෝදනා කර ඇත.
“සජිත් අගමැති කරන්න අප්‍රේල් 12 වෙනිදා හිල්ටන් හෝටලයේ මහා කුමන්ත්‍රණයක්” මැයෙන් අගමැතිවරයාගේ පෞද්ගලික කාර්ය මණ්ඩල ප්‍රධානියාගේ මාධ්‍ය උපදේශවරිය සිය මුහුණු පොතෙහි සටහන් තබා තිබේ.
කෙසේ වෙතත් ඇමරිකාවේ නිල සංචාරය නිරතව සිටින මුදල් අමාත්‍යවරයා ද එම සටහනට උපහාසත්මකව ප්‍රතිචාර දක්වා ඇති අතර මුදල් අමාත්‍යවරයා කුමත්ත්‍රණය සිදු කළා යැයි පවසන දිනයේ දිවයිනෙන් බැහැර සිටි බවට ඔහුගේ පුද්ගලික කාර්ය මණ්ඩල සමාජිකයෙකු එයට ප්‍රතිචාර දක්වමින් ප්‍රකාශ කර සිටි.
මුදල් අමාත්‍යවරයාට අමතරව මලික් සමරවික්‍රම සහ ක්‍රිශාන්ත කු‍රේ යන දෙදෙනා ද එම කුමන්ත්‍රණයට හවුල් බවයි ඇය සිය සටහනින් පවසා ඇත්තේ.
මංගල සමරවීර අමාත්‍යවරයාට කුමන්ත්‍රණ චෝදනා එල්ල කරනු ලබන ඉෂිනි වික්‍රමසිංහ කලක් අමාත්‍යවරයාගේ කාර්ය මණ්ඩලයේ ද සාමාජිකාවක්ව සිටි අතර මේ වන විට අගමැතිවරයාගේ ජනාධිපතිවරණ ප්‍රචාරක අංශයේ ප්‍රධානී ලෙස කටයුතු කරනු ලබයි.
ඉෂිනි වික්‍රමසිංහ අගමැති රනිල් වික්‍රමසිංහගේ සහෝදරයෙකු වන TNL මාධ්‍ය ඡාලයේ ප්‍රධානියා වන ශාන් වික්‍රමසිංහගේ දියණියයි.
Facebook Comments
