මන්ත්‍රී ධුර බාර ගන්නේ නැහැ – ගාමිණි වියන්ගොඩ (VIDEO)

0
541
wedding people
Loading...

පුරවැසි බලයේ කැඳවුම්කාර මණ්ඩලයේ සාමාජිකයන් තිදෙනෙකුට පාර්ලිමේන්තු මන්ත්‍රීධුරයන් හිමි වන බවට සති අන්ත පුවතක් පල කර තිබු ප්‍රවෘත්තිය සම්පුර්ණයෙන්ම ප්‍රතික්ෂේප කරන එම සංවිධානයේ කැදවුම්කාර ගාමිණි වි්යන්ගොඩ කිසිදු හේතුවක් නිසා තම සංවිධානය පාර්ලිමේන්තු මන්ත්‍රීධුර බාර නොගන්නා බව පවසයි.

පසුගිය සතියේ සති අන්තයේ පුවත් පතක පල කර තිබුනේ  පුරවැසි බලයේ ගාමිණි වියන්ගොඩ, සමන් රත්නප්‍රිය හා ධර්මසිරි බණ්ඩාරනායක හට පාර්ලිමේන්තු මන්ත්‍රී ධූරයන් හිමි වන බවටයි.

එම පුවත් පළ කිරීමට ප්‍රථම මේ සම්බන්ධයෙන් එම පුවත්පත තමන්ගෙන් හෝ සමන් රත්නප්‍රියගෙන් කිසිඳු විමසීමක් නොකළ බව ඔහු පවසා සිටියේ අද (22) පැවති මාධ්‍ය හමුවකදීය.

රටේ සම්මත දේශපාලකයින් දියවෙමින් යන මෙහොතය දේශපාලන පක්ෂයකට සම්බන්ධ වී නොමැති ස්වාධින සිවිල් ක්‍රීයාකාරින් කෙරෙහි ඇති ජන ප්‍රසාදයට පහර ගසා සිවිල් සමාජය අකර්මන්‍ය කර පවතින මචර දේශපාලනය ඉදිරියට ගෙන යාම එම පුවතේ අරමුණ වු බව ග‍ාමිණි වියන්ගොඩ එහිදී අවධාරණය කළේය.

ප‍ාර්ලිමේන්තු මන්ත්‍රී ධුරයකින් කළ හැකි කාර්යභාර්යට වඩා වැදගත් හා තීරණාත්මක යමක් සිවිල් සාමාජයට කළ හැකි නිසාත් සියදිවි නසා ගැනිමේ අදහසක් නොමැති නිසාත් මන්ත්‍රී ධුරයන් බාර නොගන්නා බවයි ඔහු පවසා සිටියේ.


සාදාචාරය බිඳලා

පුවතක සත්‍ය අසත්‍යතාවය විමසන්නේ පුවත පළ කිරීමෙන් පසුව නම් අදාළ පුවතපත බරපතල ලෙස මාධ්‍ය ආචාර ධර්ම බිඳ දැමීමක් සිදු කරන බවයි පුරවැසි බලෙය් කැඳවුම්කාර මණ්ඩලයේ සමන් රත්නප්‍රීය අවධාරණය කරන්නේ.

සිවිල් සමාජය විසින් ජනතාව සමඟ මැතිවරණයට පෙර ගිවිස ගත් යම් යම් කාරණා ඉටු කිරීමට දේශපාලනාධිකාරියට බල කිරිම හේතුවෙන් එය අඩපන කර සිවිල් සමාජය දිය කර හැරීමේ කුමන්ත්‍රණයක කොටසක් ලෙස ඔහු එම පුවත පෙන්වා දුන්නේය.

Facebook Comments

Loading...