බුදුන් ගේ රුවට සමාන රුවක් සහිත මුලුතැන්ගෙයි භාවිතයට ගන්නා ඇඳුම් තොඟයක් හා අත්වැසුම් තොගයක් සොයා ගැනීමට ශ්‍රී ලංකා රේගුව සමත් වී ඇත.
ඉන්දියාවේ සිට ශ්‍රී ලංකාව හරහා ස්ලෝවේනියාවට යැවීමට සූදානම් කර තිබූ මෙම ඇඳුම් හා අත්වැසුම් තොගය රේගුවට ලද තොරතුරක් මත අත්අඩංගුවට ගත් බවයි රේගු මාධ්‍ය ප්‍රකාශක ධර්මසේන කහඳව පවසන්නේ.
අත්අඩංගුවට ගත් භාණ්ඩ තොගය රේගුවේ රදවා තබා ගනිමින් පරීක්ෂණ පවත්වන බවත් ඉන්දීය රේගුවටද මේ පිළිබඳව දැනුම් දෙන බවටයි ඔහු ප්‍රකාශ කර සිටියේ.
නීතියට අනුව ඹ්නෑම ආගමක නායකයකුට අපහාස වන අයුරින් ඔවුන්ගේ පිළිරුවක් එදිනදා භාවිත වන භාණ්ඩ වල සටහන් කළ නොහැකි බවයි රේගු මාධ්‍ය ප්‍රකාශක ධර්මසේන කහඳව වැඩි දුරටත් පැවසුවේ.
Facebook Comments
