ක්රිස්තියානි බැතිමතුන් යේසුස් වහන්සේ මළවුන්ගෙන් නැගිටීම සමරනු ලබන පාස්කු ඉරිදා දින කතෝලික දේවස්ථාන තුනක් හා තරු හෝටල් තුනක් ඇතුළු ස්ථාන කිහිපයක පිපිරිම් මාලාවෙන් අඩුම වශයෙන් 207 දෙනෙකු මිය ගොස් 450 ඉක්මවන සංඛ්යාවක් තුවාල ලබා තිබේ.
පොලිසිය කියා සිටින්නේ මෙම ප්රහාර ගැන සැකපිට මේ වනවිට 7 දෙනකු අත් අඩංගුවට ගෙන තිබෙන බවයි.
මීගමුව කටුවාපිටිය සාන්ත සෙබස්තියන් දේවස්ථානය, කොළඹ කොච්චිකඩේ සාන්ත අන්තෝනි දේවස්ථානය, මඩකලපුව සියන් දේවස්ථානය එල්ල කර 21 ඉරිදා පිපිරිම් මාලාවක් සිදුවිය.
විදේශිකයන් රැඳී සිටින කොළඹ තරු පන්තියේ හෝටල් ඉලක්කර කර එල්ලවු ප්රහාර මාලාවෙන් අවම වශයෙන් විදේශිකයන් 35 දෙනෙකු මිය යන්නට ඇති බවයි පොලිස් මාධ්ය ප්රකාශකවරයා පවසන්නේ.
පිපිරිම් මාලාවෙන් තුවාල ලද 450 දෙනෙකු කොළඹ ජාතික රෝහලට, කළුබෝවිල රෝහලට, රාගම ශික්ෂණ රෝහලේ සහ මීගමුව මහ රෝහලේ ප්රතිකාර ලබන බවයි රජය පවසන්නේ.
පාස්කු ඉරිදා දින බෝම්බ පිපිරීම් 8ක් ස්ථාන 7 ක සිදුව ඇති බව ප්රකාශ කළ පොලිස් මාධ්ය ප්රකාශක රුවන් ගුණසේකර ප්රහාරයට වගකිව යුත්තන් පිළිබඳව මෙතෙක් කිසිවක් ප්රකාශ කල නොහැකි බව කොළඹ පැවති මාධ්ය හමුවක දී කියා සිටියේය.
ඇතැම් ප්රහාර මරාගෙන මැරෙන බෝම්බ ප්රහාර විය හැකි බවට ආරක්ෂක රාජ්ය අමාත්ය රුවන් විජේගුණවර්ධන පැවසීය.
මේ වන තෙක් ප්රහාර මාලාවේ වගකීම කිසිවකු විසින් බාර ගෙන නැත.
#Colombosrilanka #EasterSundayAttacksSL