ජීවිතයේ එක්වරක් පමණක් ලැබෙන හොඳම සේවා යෝජක සම්මානය පොලිස්පතිට

ජීවිතයේ එක්වරක් පමණක් පිරිනමනු ලබන 2017 වර්ෂයේ ශ්‍රී ලංකාවේ හොඳම සේවා යෝජකයාට හිමි සම්මානය පොලිස්පති පූජිත් ජයසුන්දර හට පිරිනමා ඇති අතර එහිදී ශ්‍රී ලංකා පොලිසි‍ය ඇගයීමකට ලක්විය.

ලෝකයේ මානව සම්පත් කළමනාකරණය සම්බන්ධයෙන් නිරීක්ෂණය හා අගයන ආයතනයක් වන World HRD Congress ආයතනය මෙම උත්සවය සංවිධානය කර තිබේ.

මෙම උත්සවය 13 බ්‍රහස්පතින්දා කොළඹ ටාජ් සමුද්‍ර හෝටලයේදී පැවැති අතර එම අවස්ථාවේ පොලිස්පති පූජිත් ජයසුන්දර මහතාට මෙම සම්මානය පිරිනමා ඇත.

මෙම අවස්ථාවට World HRD Congress ආයතනයේ නිලධාරීන් මෙන්ම පොලිසියේ ‍උසස් නිලධාරීහු පිරිසක් සහභාගි විය.