සජිත් ජනපති අපේක්ෂකයා වෙන දවසට අගමැතිගෙන් සාදයක්

0

එක්සත් ජාතික පක්ෂයේ ජනපති අපේක්ෂකයා ලෙස සජිත් ප්‍රේමදාස නම් කිරීමට මංගල සමරවීර ඇමැතිවරයා විසින් මාතර සංවිධානය කර ඇති ජන රැළිය පැවැත්වෙන දිනයේම අගමැතිවරයා සාදයක් සුදානම් කර තිබේ.

ආණ්ඩුවට වසර 4ක් සපිරිම නිමිත්තෙන් අරලියගහ මන්දිරය තුල සංවිධානය කර ඇති මෙම සාදයට තම තමන්ගේ පවුලේ සාමාජිකයින්ද කැටුව එන්නැයි මන්ත්‍රීවරුන්ට ආරාධනය කර තිබීම විශේෂත්වයකි.

මාතර ජන හමුව සුදානම් කර ඇති දිනයේම අගමැති රනිල් වික්‍රමසිංහ මෙසේ සාදයක් පැවැත්වීමට තීරණය කර ඇත්තේ එම රැස්වීම කඩාකප්පල් කිරීමේ අරමුණ ඇතිව බවටයි සජිත් පාර්ශවයේ අදහස වී ඇත්තේ.

කෙසේවුවද මාතර රැස්වීමට සහභාගිවීමට සුදානමින් සිටින එජාප මන්ත්‍රීවරුන් අගමැති කාර්යාලයේ නිලධාරීන්ට දැනුම් දී ඇත්තේ, මාතර සිට කොළඹට ඒමට ගතවන්නේ පැයකට ආසන්න කාලයක් බැවින් සජිත්ගේ රැස්වීමට සහභාගිවී සාදයට පැමිණෙන බවයි.

‘සජිත් එනවා මුළු රටටම..” යන තේමාව යටතේ අගෝස්තු 23 මාතර සනත් ජයසුරිය ක්‍රීඩාංගනයේ පැවැත්වෙන ජන රැලිය පස්වරු 3.00ට ආරම්භවීමට නියමිත අතර ‘සිරස’ හා ‘සියත’ නාලිකා ඔස්සේ සජීවී ලෙස විකාශය කිරීමට කටයුතු යොදා ඇත.

Facebook Comments

wedding people