අරගලකරුවන්ට එරෙහිව ගෙන යන බිහිසුණු මර්දනය සම්බන්ධයෙන් ජනාධිපතිවරයා දැඩි ලෙස ප්‍රශ්න කළ සම්මානලාභී ජාත්‍යන්තර මාධ්‍යවේදිනියකට අගනුවරදී පොලිස් හිරිහැරයට මුහුණ දීමට සිදුවී තිබේ.
ජීවන්ත පීරිස් පියතුමා, වසන්ත මුදලිගේ ඇතුළු ආණ්ඩු විරෝධී අරගලකරුවන් මර්දනය කිරීම සම්බන්ධයෙන් ජනාධිපති රනිල් වික්‍රමසිංහ සමග පැවති සම්මුඛ සාකච්ඡාවකදී ප්‍රශ්න කළ ඕස්ට්‍රේලියාවේ ABC ප්‍රවෘත්ති ජාලයේ දකුණු ආසියා වාර්තාකාරිනී ආවනි ඩයස් ගමන් කළ රථය දෙවතාවක්ම පොලිසිය විසින් නවත්වා සෝදිසි කර තිබේ.
එම වාහනයේ ‘යමකු සඟවා ගෙන යන්නේ යයි’ පොලිසිය සැක කරන බව ඇය වීඩියෝ දර්ශන ද සහිතව සමාජ මාධ්‍ය ඔස්සේ පල කර තිබුණි.
Our crew van was pulled over by Sri Lankan police and searched – twice. 'They think we're concealing someone in this car.' #ForeignCorrespondent pic.twitter.com/PSo7srejR4
— ForeignCorrespondent (@ForeignOfficial) September 15, 2022
වාර්තාකාරිය ලංකාවේ ගතකළ කාලය තුල කතා බහ කළේ කා සමගින් දැයි ‘තමන් හොඳාකාර දන්නා බවට’ ජනාධිපතිවරයා ඊට පෙරදා ඇයට කළ බියජනක ප්‍රකාශය ආවනි ඩයස් එහිදී සිහිපත් කර තිබුණි.
තමන් රට තුල මහත් පීඩාවකට පත්ව සිටින බව ඇය වැඩිදුරටත් කියා සිටියාය.
මෙන්න ඇය ශ්‍රී ලංකාවේ ආණ්ඩු විරෝධී අරගලය ගැන ඉදිරිපත් කළ වාර්තා චිත්‍රපටය No Surrender
Facebook Comments
