අතුරුදහන් මාධ්‍යවේදියාගේ බිරිඳට තර්ජනය කල බොදුබල නායකයා වැරදිකරු වෙයි

0
Ivory Agency Sri Lanka
wedding people

දස අවුරුද්දකට ඉහතදී අතුරුදහන් කරන ලද සිය සැමියා වෙනුවෙන් යුක්තිය ඉල්ලා සටන් වදින සන්ධ්‍යා එක්නැලිගොඩට උසාවි භූමියක් තුල තර්ජනය කොට අඩන්තේට්ටම් කිරීම සම්බන්ධයෙන් බොදුබල සේනා නායකයා වරදකරු බව අධිකරණය තීන්දු කර තිබේ.

සන්ධ්‍යා එක්නැළිගොඩ හට හෝමාගම උසාවි භූමිය තුලදී මීට දෙවසරකට වැඩි කාලයට ඉහත දී ගලගොඩඅත්තේ ඥාණසාර හිමියන් තර්ජනය කරන ලද අතර ඊට වරදකරු වු එහිමියන්ට ලබන මස 14 දා දඬුවම් කිරීමට 24 බ්‍රහස්පතින්දා නඩුව කැඳවු අවස්ථාවේදී අධිකරණය තීරණය කළේය.

අතුරුදහන් සිය සැමියා, මාධ්‍යවේදී ප්‍රගීත් එක්නැළිගොඩ සොයා දෙන ලෙස ඉල්ලා පවරන ලද හබයාස් කෝපස් පෙත්සම නඩුව 2016ජනවාරි 25 දා විභාගයට ගනිද්දී භික්ෂු කණ්ඩායමක් සමග පැමිණි ඥාණසාර හිමි කෑ ගසමින් සන්ධ්‍යා එක්නැළිගොඩට ද අසභ්‍ය වචනයෙන් බැන වැදී තිබුනි.

අධිකරණ භූමියක් තුළ දී බැන තර්ජනය කොට සාපරාධී බියවැද්දීම හා අඩන්තේට්ටම් කිරීම යන චෝදනා නගා දණ්ඩ නීති සංග්‍රහයේ 346 හා 486 යන වගන්ති යටතේ නඩු පවරන ලද ගලබොඩ අත්තේ ඥානසාර හිමි වැරදිකරු බව හෝමාගම මහේස්ත‍්‍රාත් හා අතිරේක දිසා විනිසුරු උදේශ් රණතුංග විසින් තීන්දු කරන ලදී.

“ගලගොඩඅත්තේ ඥාණසාර හිමියන් නිසා හිරිහැර වලට පත් උන් බොහෝ මිනිසුන් ලංකාවේ ඉන්නවා. ඒ සියලු දෙනාගේ ජයග්‍රහණයක් ලෙසයි මම මේක දකින්නේ,” යි සන්ධ්‍යා අධිකරණයෙන් පිටතදී කියා සිටියාය.

Facebook Comments