පසුගිය වසරේ ඉදිරිපත් කල කංසා වගා කිරීමේ යෝජනාවට මහා සංඝරත්නය විරුද්ධත්වයක් නොමැති බැවින් හමුදාව යොදවා කංසා වගා කිරීමේ වැඩපිළිවෙළ ඉදිරියේ දී දියත් කිරීමට බලාපොරොත්තු වන බව සෞඛ්‍ය, පෝෂණ හා දේශීය වෛද්‍ය අමාත්‍යවරයා පවසයි.
ආයුර්වේද ඔසු උයන් පෞද්ගලික අංශයේ දායකත්වය මත සංවර්ධනය කිරීමට බලාපොරොත්තු වන අතර ම ශ්‍රී ලංකාවට අවශ්‍ය දේශීය ඖෂධ වර්ග රැසක් ඉන්දියාවෙන් ආනයනය කරන බවත් අබිං එලෙස ආනයනය කරන්නේ එක් ඖෂධයක් බවයි අමාත්‍ය රාජිත සේනරත්න පෙන්වා දෙන්නේ.
කංසා දුම්වැටි මෙන් පානය කළොත් පමණක් ප්‍රශ්න ඇති වන බවත් ඖෂධයක් ලෙස භාවිත කළොත් කිසිඳු ප්‍රශ්නයක් නොමැති බව අමාත්‍යවරයා කියා සිටියේ “සෙත් සුව” ආයුර්වේද රෝහලේ අධ්‍යක්ෂ වෛද්‍ය සුජීව විතානගේ විසින් නිෂ්පාදනය කරන ලද ප්‍රාණජීව ආයුර්වේද නිෂ්පාදන 12ක් එළිදැක්වීමේ උත්සවයට එක්වෙමිනි.
“ශාකසාර ඖෂධ ලෝක වෙළෙදපොලේ ඩොලර් බිලියන 54 ක වාර්ෂිකව අලෙවියක් සිදුවෙනවා. පුද්ගලයෙකුගේ ජාන අනුව ප්‍රතිකාර කිරිම ඇමෙරිකා එක්සත් ජනපදය ආරම්භ කර තිබෙනවා. මෙම ක්‍රමය තමයි දේශීය වෛද්‍ය ක්‍රමයේ තිබෙන්නේ. අපේ රටේ ආයුර්වේද ඖෂධ පැලෑටි වැවුනත්, එහි පේටන්ට් අයිතිය‍ෙතිබෙන්නේ විදේශීය රටවලටයි” යැයිද වෛද්‍ය රාජිත සේනාරත්න පැවසීය.
ඩෙංගු රෝගයට ප්‍රතිකාරයක් ලෙස ගස් ලබු සාරයෙන් ඉන්දියාව නිෂ්පාදනය කර ඇති ඖෂධ ලංකාවට ගෙන්වා රාජ්‍ය ආයුර්වේද ඖෂධ සංස්ථාව හරහා බෙදාහැරීමට අපේක්ෂා කරන බව ද අමාත්‍යවරයා මෙහිදී පැවසීය.
සෙත් සුව ආයුර්වේද රෝහලේ නිෂ්පාදනය කරන ඖෂධ රටවල් 20කට අපනයනය කරන බව පෙන්වා දෙන ඇමති රාජිත ආයුර්වේද පුස්කොළ පොත් සිංහල භාෂාවට පරිවර්තනය කර වෙනත් භාෂාවලට පරිවර්තනය කිරීමට ද සැලසුම් කර තිබෙන බව ද අනාවරණය කළේය.
Facebook Comments
