මත්ද්‍රව්‍ය නවාතාලීමට ඒවා භාවිතා කරන පුදුගලයන් මරා දැමීමය යුතුය යන තර්කයේ තමන් නොමැති බවට මැතිවරණ කොමිසමේ සභාපතිවරයා ප්‍රකාශ කර තිබේ.
“මම මත්ද්‍රව්‍ය විකිණිමට එරෙහි. දන්න කෙනෙකුටත් නොගැනීම හොඳයි කියනවා මිසක් ගන්න කෙනා මරලා මේක නවත්වන්න ඕන කියන තර්කයේ මම නැහැ. පිලපීනයේ ජනාධිපති වගේ.” යැයි සභාපති මහින්ද දේශප්‍රිය පැවසීය.
මත්ද්‍රව්‍ය ලංකාවේ පළමු ප්‍රශ්නය නොවන බව කී මැතිවරණ කොමිසමේ සභාපතිවරයා අපරාධ වැරදි සඳහා වැරදිකරුවන් වූ පුද්ගලයින්ට මහජන නියෝජිතයින් ලෙස පෙනී සිටීමට ඉඩ ලබා දීම මත්ද්‍රව්‍ය අර්බුදයටත් වඩා ප්‍රමුඛතාවයේ පවතින බව කියා සිටියේය.
“ඒඩ්ස් හැදිච්ච කෙනෙකුට මන්ත්‍රීවරයෙක් වෙන්න බැරිද?.” සභාපතිවරයා ප්‍රශ්න කළේ ගාල්ල ප්‍රදේශයේ පැවති සම්මන්ත්‍රණයකදීය.
පාර්ලිමේන්තු මන්ත්‍රීවරුන් මත්ද්‍රව්‍ය ලබා ගැනීම හා ඔවුන්ගේ රුධිරය පරික්ෂා කිරිම පිළිබඳ මාධ්‍යවේදියෙකු ප්‍රශ්න කල අතර “ඒවා මේ බොරු ස්ලෝගන් විතරයි.” මැතිවරණ කොමිසමේ සභාපති මහින්ද දේශප්‍රිය පෙන්වා දුනි.
පිලිපීන ජනාධිපතිවරයාගේ අඩි පාරේ යමින් මත්ද්‍රව්‍ය භාවිතා කරන්නන් හා මත්ද්‍රව්‍ය ඡාවාරම්කරුවන්ට මරණ දඬුවම ලබා දෙන බවට ජනපති මෛත්‍රීපාල සිරිසේන ද කිහිප විටකදීම ප්‍රකාශ කර තිබුණි.
Facebook Comments
