අල්ලස් කොමිසම පැමිණිලි ඉල්ලයි

අල්ලස් ලබා ගැනීමේ සිද්ධින් පිළිබඳව ඉදිරිපත් වන පැමිණිලි වල අඩුවීමක් දක්නට ලැබෙන බව අල්ලස් හෝ දුෂණ විමර්ශන කොමිසම පවසයි.

අල්ලසක් ලබාදී හෝ යම් කිසි කාර්යයක් ඉටුකර ගැනීමට ජනතාව පෙළඹී තිබීම මෙයට හේතුව ලෙස අල්ලස් හෝ දුෂණ විමර්ශන කොමිසම පෙන්වා දෙයි.

අල්ලස මෙරටින් තුරන් කිරීමට නම් ජනතාවගේ සහය අත්‍යවශ්‍ය කාරණයක් බව පෙන්වා දෙන අල්ලස් හෝ දුෂණ විමර්ශන කොමිසම පවසන්නේ අල්ලස් ලබා ගැනීම මෙන්ම අල්ලස් ලබාදීම ද දඩුවම් ලැබිය හැකි වරදක් බවයි.

රාජ්‍ය නිළධාරින් සම්බන්ධයෙන් එල්ල වන අල්ලස් ලබා ගැනිම් සිද්ධින් වල අඩුවීමක් දක්නට ලැබෙන අතර එම නිළධාරින් අල්ලස් ලබා ගැනිමේ සිද්ධින් පිළිබදව පැමිණිලි කිරීමට ජනතාව උදාසීන බවක් පෙන්නුම් කරන බව එම කොමිසම පවසයි.

කොමිසම පවසන්නේ අල්ලස් ලබා ගැනීම් පිළිබඳව පැමිණිලි ඉදිරිපත් කරන පාර්ශව වල රහස්‍යභාවය උපරිමයෙන් සුරකින බැවින් කිසිදු බියකින් තොරව අල්ලස් ලබාදීම පිළීබඳව තම කොමිසමට පැමිණිලි ඉදිරිපත් කරන ලෙස ඔවුන් ඉල්ලීමක් කරයි.