ඕස්ට්‍රේලියාවේදී මුදල් පසුම්බි සොරාගත් ශ්‍රී ලාංකිකයන් පසු දෙනෙකුට එරෙහි එරට අධිකරණයේ නඩු පවරා තිබේ.
මුදල් පසුම්බි සොරා ගැනීම සහ තර්ජනය කිරිම් සම්බන්ධව මෙල්බර්න් ප්‍රාන්ත පසුගිය මාස දෙක තුළ පුද්ගලයින් හත් දෙනෙකුට නඩු පවරා ඇති අතර ඉන් පස් දෙනෙකු ලාංකීකයන් වන අතර දෙදෙනෙකු ඉන්දීය ජාතිකයින් බව එරට පොලිසිය පවසයි.
ඒ අතර ශ්‍රී ලාංකික කාන්තාවන් දෙනෙකු වන අතර ඉතිරි තිදෙනා පිරිමින් බවයි ඕස්ට්‍රේලියානු පොලිසිය පවසන්නේ.
“ඔපරේෂන් ගේල්ෆෝස්” නම් මෙහෙයුමින් අත් අඩංගුවට ගත් ඔවුන්ට නඩු පවරා ඇත්තේ මෙල්බර්න් පොලිස් කාර්ය සේවා ඒකකය විසිනි.
“මාස දෙකක් පමණ කාලයක් තිස්සේ සංවිධානාත්මක ලෙස නගරය පුරා සාප්පු සංකීර්ණ, ට්‍රෑම් සහා දුම්රිය වල සිදු කරන ලද පික් පොකට් ගැසීම් සහ සොරකම් මාලාවක් අපි විමර්ශනය කළා,” යි පොලිස් ප්‍රකාශක ක්‍රිස් ඕ බ්‍රයන් පවසා තිබේ.
ඇප පිට නිදහස් කර තිබෙන සැකකරුවන් අප්‍රේල් 14 වනදා මෙල්බර්න් මහේස්ත්‍රාත් අධිකරණයේ පෙනී සිටීමට නියෝග කර ඇත.
Facebook Comments
