හම්බන්තොට පොලිස් අත්අඩංගුවේ සිටියදී අතුරුදන්වූ තරුණයා මාතර, දික්වැල්ල ප්‍රදේශයේ විහාරස්ථානයක සිටියදී සොයාගත් බව පොලිසිය පවසයි.
එම විහාරස්ථානයේ විහාරාධිපති හිමියන් විසින් පොලීසියට මේ ගැන දැනුම්දීමෙන් පසු උන්වහන්සේ විසින් පොලීසියට එම තරුණයා බාරදී ඇත.
මෙසේ අතුරුදන් ව සිටියේ ගජසිංහ ගමගේ ගයාෂාන් නමැති 20 හැවිරිදි තරුණයෙකි.
කොළඹදී දැන් පැවැත්වෙන මාධ්‍ය හමුවකදී නියෝජ්‍ය පොලිස්පති අජිත් රෝහණ මහතා මේ බව අනාවරණය කළේය.
වී සොරකම් කිරීමේ සිද්ධියක් සම්බන්ධයෙන් ලැබුණු පැමිණිල්ලකට අනුව හම්බන්තොට, බඳගිරිය ප්‍රදේශයේ තරුණයින් තිදෙනෙකු පසුගිය 5වනදා අත්අඩංගුවට ගැණුනු අතර ඉන් එක් තරුණයෙකු අතුරුදන්ව තිබුණි.
මේ සම්බන්ධයෙන් සිදුකළ විමර්ශනයේදී ඔහු අතුරුදන්ව ඇත්තේ පොලිස් අත්අඩංගුවේදී බවට තහවුරු වී තිබිණ.
ඒ අනුව අදාළ තරුණයා අත්අඩංගුවට ගත් බව කියන පොලිස් සැරයන්වරුන් දෙදෙනා, එදින පොලිස් ස්ථානයේ රාජකාරී භාර නිළධාරීයාව සිටි සැරයන්වරයා සහ එදින උප සේවක රාජකාරියේ නිරතව සිටි පොලිස් කොස්තාපල්වරයාගේ වැඩ තහනම් කිරීමට ද පියවර ගැනිණ.
එසේම එම පොලිස් ස්ථානයේ නිලධාරීන් 5 දෙනෙකු ඊට පෙරාතුව ස්ථාන මාරු කිරීමට ද පියවර ගෙන තිබුණි.
Facebook Comments
