පළමු වරට කෝප් වාර්තාවක් ඉදිරි කටයුතු සිදු කිරීම සඳහා කතානායකවරයා විසින් නීතිපතිවරයා වෙත නිකුත් කර ඇති අතර එය ප්‍රජාතන්ත්‍රවාදී ජයග්‍රහණයක් සහ යහපත් පුර්වාදර්ශයක් බව පාර්ලිමේන්තු මන්ත්‍රී මුජිබර් රහුමාන් පැවසීය.
මන්ත්‍රීවරයා මේ බව ප්‍රකාශ කළේ අද (26) රජයේ ප්‍රවෘත්ති දෙපාර්තමේන්තුවේ පැවැති ප්‍රවෘත්ති සාකච්ඡාවකට එක්වෙමිනි.
වත්මන් රජය කිසිඳු දෙයක් හැංඟීමට හෝ යටපත් කිරීමට ක්‍රියා නොකරන බවත් ආණ්ඩු පක්ෂය කියන්නේ ද මහ බැංකු බැඳුම්කර සිදුවීමේ දී වංචාවක් දූෂණයක් වී ඇත්නම් ඒ සම්බන්ධයෙන් නීතිය ක්‍රියාත්මක කිරීමට කටයුතු කරන බව යැයි පෙන්වාදෙන මන්ත්‍රීවරයා ඒ සියලු ක්‍රියාවන් ක්‍රමවේදයට අනුව සිදුවෙමින් පවතින බවයි පෙන්වා දෙන්නේ.
මීට ඉහතදී කෝප් වාර්තාවන් විශාල ප්‍රමාණයක් පාර්ලිමේන්තුව වෙත ඉදිරිපත් කළ ද මේ ආකාරයෙන් නිර්දේශ ක්‍රියාත්මක කිරීම සඳහා නීතිපතිවරයා වෙත නිකුත් කිරීම සිදු නොකලේ යැයි පෙන්වාදෙන මන්ත්‍රීවරයා යහපාලන ආණ්ඩුව විසින් එය සිදු කොට ඇති හෙයින් ආණ්ඩුවට චෝදනා එල්ල කළ නොහැකි බව කියා සිටියේය.
රජයක් ලෙසින් වසර දෙකක් තුළ සියලු දේ ඉටුකළ බව නොපැවසුවද යම් යම් අඩුපාඩු ඇති නමුත් ඒවා හරිගස්සාගනිමින් ඉදිරියට යන බව මන්ත්‍රී මුජිබර් රහුමාන් වැඩිදුරටත් ප්‍රකාශ කළේය.
Facebook Comments
