වත්මන් රජය ජාතික සංහිඳියාව ඇති කිරීමට ගෙන යනු ලබන වැඩපිළිවෙල අගය කර ඇති ඉන්දීය අගමැතිවරයා එම ක්‍රීයාවලිය තවදුරටත් වේගවත් කරන ලෙසට අගමැති රනිල් වික්‍රමසිංහගෙන් ඉල්ලා තිබේ.
ඉන්දීය සංචරයක නිරත අගමැති රනිල් වික්‍රසිංහ සහ ඉන්දීය අගමැති නරේන්ද්‍ර මෝදී ඊයේ (26) නවදිල්ලි නුවර හමුවු අවස්ථාවේදි ඉන්දීය අගමැතිවරයා මේ බව පැවසු බවයි අගමැති මාධ්‍ය ඒකකය පවසන්නේ.
ශ්‍රී ලංකාව තුළ තිරසර සාමයක් ඇති කිරීමට ගන්නා වු ක්‍රීයාමර්ගද වේගවත් කරන ලෙසට ඉල්ලා ඇති ඉන්දීය අගමැතිවරයා බලගතු ශ්‍රී ලංකාවක් නිර්මාණය කරලීම උදෙසා යහපාලන සම්මුතිවාදී ආණ්ඩුව ගෙන යනු ලබන වැඩ පිළිවෙල වෙනුවෙන් උපරිම දායකත්වය ලබා දෙන බවටද පොරොන්දු වී ඇත.
හවුල් ව්‍යාපාර සහ අනෙකුත් සහයෝගීතා ක්‍රියාකාරකම් ඔස්සේ දැවැන්ත ආර්ථික ආයෝජන සහ සංවර්ධන සහායෝගීතාවක් වර්ධනාත්මක ලෙස ලබා ගනිමින් දෙරටේම ජනතාවට අන්‍යෝන්‍ය හා සමබර ලෙස ප්‍රතිලාභ ලබා ගැනීමේ අරමුණින් අවබෝධතා ගිවිසුමකට ද මෙහිදී අත්සන් තැබු බව අගමැති කාර්යාලය පවසනවා.
ඉන්දු – ශ්‍රී ලංකා මිත්‍රත්වය ඉහළ හා සමීප තලයකින් පවත්වාගෙන යෑම උදෙසා ශ්‍රී ලංකාව සිදු කරන මෙහෙවර අගය කර ඇති නරේන්ද්‍ර මෝදි ලබන මැයි මාසයේ ශ්‍රී ලංකාවේ සංචාරය සඳහා එක්වීමේ උනන්දුවෙන් පසුවන බව ද ප්‍රකාශ කර ඇත.
Facebook Comments
