යුද්ධයේ අවසාන භාගයේ දී රජය විසින් කරන ලද ඉල්ලීමට අනුව ශ්රී ලංකා හමුදාවට බාර දීමෙන් පසුව අතුරුදන් කෙරුණ දරුවන් සොයා ගැනීමට ලබා දී ඇති තොරතුරු ප්රමාණවත් නොවන මුලතිව් අධිකරණය දැනුම් දී තිබේ.
ආගිය අතක් නොමැති තම දරුවන් තිදෙනා සොයා දෙන ලෙස ඉල්ලා සිටි විශ්වනාදන් බාලෙන්දිනි, කන්දසාමි පොන්නම්මා සහ කන්දසාමි ගාන්ධි යන මව්වරුන් තිදෙනා සොයා දෙන ලෙස ඉල්ලා ගොණු කල හබයාස්කෝපුස් නඩුව 25 බදාදා වව්නියාව මහාධිකරණයේ විභාගයට ගත් අවස්ථාවේදී අධිකරණය මේ බව දැනුම් දී ඇත.
තම දරුවන් අන්තිම වතාවට දැකගන්නට ලැබුනේ ශ්රී ලංකා යුද හමුදාව විසින් බස් රියක නංවාගෙන යන විට බව අම්මාවරුන් හබයාස්කෝපුස් පෙත්සමක් මගින් අධිකරණයට දන්වන ලදී.
ඒ පිළිබඳ මුලික විමර්ශනය සිදුකළ මුලතිව් මහේස්ත්රාත්වරයා නඩු විභාගය පවත්වන වව්නියාව මහාධිකරණයට දැනුම් දී ඇත්තේ නිශ්චිත විස්තර නොමැතිව නඩු විභාගය පෙරට ගෙන යා නොහැකි බවයි.
“බස් රියේ අංකය සහ දරුවන් භාරගත් හමුදා නිලධාරීන්ගේ නම් ඇතුළු විස්තර නැතිව නඩුව ඔප්පු කිරීම අසීරු බව මුලතිව් මහේස්ත්රාත් වරයා තමන්ගේ මූලික සොයා ගැනීම් දැනුම් දෙමින් ප්රකාශ කර තිබෙනවා,” යි අධිනීතිඥ කේ එස් රත්නවේල් වව්නියාවේදී මාධ්යවේදීන්ට කියා සිටියේය.
මුලතිව් මහේස්ත්රාත් අධිකරණයේ මූලික විමර්ශනය සම්බන්ධයෙන් ඊළඟ නඩු විභාගය පැවැත්වෙන මැයි 22 දා කරුණු දැක්වීමට වව්නියාව මහාධිකරණ විනිසුරු බාලෙන්ද්රන් ශෂී මහේන්ද්රන් අවසර දී තිබේ.
Facebook Comments
