කොරෝනා ආපදාවට රට මුහුණ දීම නිසා රජයේ සේවකයන්ගේ ණය වාරික කපා හැරීම තුන් මාසයකට අත් හිටුවන බව ප්‍රසිද්ධියේ ප්රකාශ කොට තිබෙන ආණ්ඩුව මාස දෙකකට පමණක් එම තීන්දුව ක්‍රියාත්මක කිරීම සඳහා උපදෙස් තිබීම අවුල් සහගත තත්වයකට මග පාදා තිබේ.
ආණ්ඩුවේ ප්‍රකාශිත ප්රතිපත්තිමය තීරණයට පරස්පරව රාජ්‍ය පරිපාලන අමාත්‍යංශ ලේකම්වරයා විසින් මාර්තු 6 දා නිකුත් කර ඇති 7/2020 දරන චක්‍ර ලේඛය නිසා මෙම ව්‍යාකුලතාවට හේතුවී ඇති බව දිවයිනේ ගුරුවරුන්ගේ ප්‍රමුඛතම සංවිධානය පවසයි.
“උක්ත චක‍්‍රලේඛයෙහි සදහන් වන පරිදි ණය වාරික අය නොකිරීම සිදු කරන්නේ අපේ‍්‍රල් සහ මැයි මාස වලට පමණි.”
එහෙතේ රජය ප්රකාශ කරන ලද්දේ අදාළ ණය වාරික මාස 3 ක් අය නොකිරීමට කටයුතු කරන බවයි.
“මේ අනුව රජයේ ප්රතිපත්තිමය තීරණයත් උක්ත චක‍්‍රලේඛයත් අතර පරස්පර තත්වයක් පවතී,” යි ලංකා ගුරු සංගමයේ ප්‍රධාන ලේකම් ජෝසප් ස්ටාලින් රාජ්‍ය පරිපාලන අමාත්‍යංශ ලේකම් වරයාට ලියා ඇති ලිපියක සඳහන් වේ.
එසේම, රාජ්‍ය සේවකයන්ට උත්සව අත්තිකාරම් ලබාදීම අහිමි කිරීමට රජය ගෙන ඇති තීරණය ද ගුරු සමිති නායකයා රාජ්‍ය පරිපාලන අමාත්‍යංශයේ අවධානයට ලක් කර ඇත.
රජය ප්රකාශ කළ පරිදිම ණය වාරික මාස තුනක් අය නොකිරීමට කටයුතු යොදන ලෙස ඉල්ලා සිටින ලංකා ගුරු සංගමය උත්සව අත්තිකාරම් ඉල්ලූම් කර ඇති සියලූ ම රජයේ සේවකයන්ට උත්සව අත්තිකාරම් ලබාදීමට කටයුතු යොදන ලෙස ලංකා ගුරු සංගමය ඉල්ලා සිටී.
Facebook Comments
