කොළඹ ජාත්‍යන්තර පොත් ප්‍රදර්ශනය ඇරඹේ

දහ අටවන වරට පැවැත්වෙන කොළඹ ජාත්‍යන්තර පොත් ප්‍රදර්ශනය අද(16) ආරම්භ විය.

කොළඹ බණ්ඩාරනායක සම්මන්ත්‍රණ ශලාවේ සිරිමාවෝ බණ්ඩාරනායක පරිශ්‍රයේදී පොත් ප්‍රදර්ශනය ලබන 25 වන දින දක්වා පැවැත්වීමට නියමිතය බව සංවිධායකයින් පවසයි.

සෑම දිනකම පෙරවරු 09.00 සිට රාත්‍රී 09.00 දක්වා ප්‍රදර්ශනය විවෘතව පවතියි.

අද සිට ලබන 25 වැනිදා දක්වා දින 10 ක කාලයක් උදෑසන 9.00 සිට රාත්‍රී 9.30 දක්වා පොත් ප්‍රදර්ශනය පැවැත්වෙන අතර, හෙට(17දා) රාත්‍රී 12.00 දක්වා පොත් ප්‍රදර්ශනය පැවැත්වීමට පොත් ප්‍රකාශකයන්ගේ සංගමය තීරණය කර තිබේ.

මෙවර කොළඹ පොත් දැක්ම සඳහා දේශීය පොත් අලෙවි කුටි 410 ක් සහ විදේශීය පොත් අලෙවි කුටි 60 ක් අන්තර්ගතවේ.

එමෙන්ම පොත් ප්‍රදර්ශනයට සමගාමීව පොත් දොරට වැඩීම්, සාහිත්‍ය සංවාද, කැටපත් පවුර ආදී සාහිත්‍යාංග ගණනාවක්ද ක්‍රියාත්මක වේ.

“සතුට දන වන, නැණ නුවණ වඩන පොත්“ යන තේමාව යටතේ ශ්‍රී ලංකා පෙත් ප්‍රකාශකයින්ගේ සංගමය ප්‍රදර්ශනය සංවිධානය කරයි.