යුක්තිය සොයා පැමිණි මාධ්‍යවේදියාට පොලිස්පති නියෝග එන තුරු බලා සිටින්න වෙයි

0
724
Ivory Agency Sri Lanka
wedding people
Loading...

වසර අටකට ඉහතදී පැහැරගෙන ගොස් වධ හිංසා සිදු කිරීම සම්බන්ධයෙන් පැමිණිලි කළ ජ්‍යෙෂ්ඨ මාධ්‍යවේදියකුට පොලිස්පතිවරයාගේ නියෝගයක් නොමැතිව ඒ සම්බන්ධයෙන් පරීක්ෂණ ආරම්භ කළ නොහැකි බවට අපරාධ පරීක්ෂණ දෙපාර්තුමේන්තුව දන්වා තිබේ.

පැහැරගෙන ගොස් වධ හිංසා කිරීම සම්බන්ධයෙන් අපරාධ පරීක්ෂණ දෙපාර්තුමේන්තුවේ අධ්‍යක්ෂකවරයාට තමන් බාර දුන් පැමිණිල්ල පොලිස්පතිවරයාට යොමු කර අදාල නියෝග ලබාගෙන පරීක්ෂණ කටයුතු ආරම්භ කරනු ඇති බවටයි මාධ්‍යවේදී පෝද්දල ජයන්නත විශ්වාසය පළ කරන්නේ.

ගෙවී ගිය අට වසරක කාලය තුළ සෑහීමකට පත් විය හැකි කිසිදු පරීක්ෂණයක් සිදු වී නොමැති බව ඔහු කියා සිටියේ රාජපක්ෂ පාලන සමයේදී සුදු වෑන් රථයකින් පැහැරගෙන ගොස් පහර දී වධ හිංසා පැමිණවීම සම්බන්ධයෙන් පරීක්ෂණයක් පවත්වන ලෙස 20 අඟහරුවාදා අපරාධ පරීක්ෂණ දෙපාර්තමේන්තුව වෙත පැමිණිළි කිරිමෙන් පසු මාධ්‍ය අමතමිනි.

විශේෂ ජනාධිපති කොමිසමක් පත්කර පසුගිය සමයේදී ජනමාධ්‍යවේදීන්ට සිදුවු අපරාධ සම්බන්ධයෙන් සොයා බැලීමට රජය කටයුතු කළ යුතු කී මාධ්‍යවේදී පෝද්දල ජයන්ත තමාට සිදුවු අපරාධයට වන්දි ගෙවා අත පිසදමාගැනීමට සුදානම් නොවන ලෙසටද ආණ්ඩුවට අනතුරු ඇඟවිය.

2009 වසරේ ජූනි මාසයේ දී සුදු වෑන් රියකින් පැහැරගෙන ගොස් අත පය කඩා මහ මඟ දමා ගොස් සිටිය දී රෝහල් ගත කැරුණු පෝද්දල ජයන්ත පසුව ජීවිත ආරක්ෂාව වෙනුවෙන් රට හැර ගියේය.

Facebook Comments

Loading...