ප්‍රවෘත්ති නිසා මානසික පීඩා

0
421
wedding people
Loading...

තමන්ගෙන් ප්‍රතිකාර ලබා ගැනීමට පැමිණෙන රෝගීන්ගෙන් සැලකිය යුතු පිරිසක් ජනමාධ්‍යවල ප්‍රවෘත්ති කියවීමෙන්, දැකීමෙන් හෝ නැරඹීමෙන් වික්ෂිප්තභාවයට පත්ව විවිධ මානසික පීඩාවන්ට ලක්වූවන් බව විශේෂඥ මනෝ විද්‍යාඥවරයෙකු පවසයි.

මාධ්‍ය භාවිතයේදී පුද්ගලයාට මානසික වශයෙන් සිදුවන අහිතකර බලපෑම සහ මානසික රෝග යන මාතෘකාව යටතේ වෛද්‍ය ගිහාන් අබේවර්ධන මහනුවර දිස්ත්‍රික් ලේකම් කාර්යාලයේදී මහනුවර දිස්ත්‍රික්‍කයේ ජනමාධ්‍යවේදීන් සඳහා පැවති විශේෂ වැඩමුළුවකට සහභාගී වෙමින් මේ බව අනාවරණය කළේය.

ලංකාවේ ජනමධ්‍ය බොහොමයක්ම ප්‍රවෘත්ති ඇතුළු වැඩසටහන් ඉදිරිපත් කිරීමේදී පිළිගත් මාධ්‍ය ආචාර ධර්ම උල්ලංඝනය කරන බව පෙන්වා දුන් වෛද්‍යවරයා ඒ අතරින් විද්‍යුත් මාධ්‍ය ඉතා ප්‍රබල බවද පැවසීය.

හදිසි අනතුරු, ස්ත්‍රී දූෂණ සහ ළමයින් සම්බන්ධ තොරතුරු වාර්තා කිරීමේදී ඒ සම්බන්ධයෙන් යොදා ගන්නා රූපරාමු මනසට විශාල බලපෑමක් කරන බව පැවසූ වෛද්‍යවරයා ඒවා ජනතාවගේ විවිධ මානසික පීඩාවන් සදහා හේතුවන බවද පෙන්වා දුන් අතර ඊට අමතරව විවිධ ලෙඩ රෝග සහ රෝගීන් සම්බන්ධයෙන් සිදු කරන වාර්තා කිරීම් වලදීද මාධ්‍ය ආචාර ධර්ම උල්ලංඝනය වීම් දැකගත හැකි බවද අවධාරණය කළේය.

එබැවින් මාධ්‍ය වාර්තාකරණයේදී මේ පිළිබඳ මනා අවබෝධයකින් කටයුතු කිරීම ජනමාධ්‍යකරුවන්ගේ වගකීමක් බව පවසන වෛද්‍ය ගිහාන් අබේවර්ධන වාර්තාකරුවා සිට මාධ්‍ය හිමිකරුවා දක්වා වූ මාධ්‍යකරණයේ නියැලී සිටින සියලුම පාර්ශවයන් මේ සම්බන්ධයෙන් දැනුවත්වීමේ අවශ්‍යතාවයක් ඇති බවද පෙන්වා දෙන ලදී.

 

Facebook Comments

Loading...