තම අයිතීන් ඉල්ලා සටන් කරන දෙමළ ජනයාගේ විරෝධතා “බිස්නස් එකක්” බවට ජනාධිපතිවරයා හඳුන්වා දී තිබේ.
“ඒගොල්ලො මේ බිස්නස් එකක්නෙ කරන්නෙ තවමත් ඊළම ගැන කතා කර කර ඒගොල්ලන්ගේ ආයතනික වශයෙන් සංවිධානය වී සල්ලි හමු කරන එක තමයි කරන්නේ ඒ ගොල්ලන්ට නැත්නම් වෙන සටන් පාඨයක් නැහැ,” යැයි ජනාධිපතිවරයා ලන්ඩනයේදී බීබීසි ය සමග සාකච්ඡාවට එක්වෙමින් කියා සිටියේය.
ඉඩම්, අතුරුදහන්වූවන් මෙන්ම දේශපාලන සිරකරුවන් පිළිබඳ උතුරේ පැවැත්වෙන උද්ඝෝෂණ සම්බන්ධයෙන් අදහස් පල කරමින් ජනපති මෛත්‍රීපාල සිරිසේන මේ බව පැවසීය.
“හැම කෙනෙක්ම දන්නවා මේ අතුරුදහන් වෙච්ච අය නැහැයි කියලා ඔය ලංකාවේ විරෝධතා කරන අයට ඒ ගොල්ලො මම කොළඹට ගෙනවා උතුරේ දී ඒ අය එක්ක සාකච්ඡා කළා. මම කිව්වා කවුරු හරි කියන විදියට කොහේ හර තැනක හංග ගෙන ඉන්නවා නම් රඳවගෙන ඉන්නව නම් මට කියන්න තොරතුරු දන්නවා නම් මම වාහන දෙන්නාම් පොලිසය දෙන්නම් ඉල්ල ඕනෑම දෙයක් දෙන්නම් ඒ තැන් වලට ඔගොල්ලො ගිහින් පෙන්නන්න කොහෙහරි ඉන්නවයි කියලා එතකොට ඒගොල්ලො ඒකට උත්තරයක් දුන්නෙ නැහැ.”
කෙසේ නමුත් අතුරුදහන් වුවන්ට සිදුවුයේ කුමක්ද හෝ එම අපරාධයට සම්බන්ධ අයවලුන්ට එරෙහිව ගන්නා ක්‍රීයා මාර්ග කිසිවක් පිළිබඳව ජනාධිපතිවරයා ප්‍රකාශ නොකළේය.
රාජ්‍ය නොවන සංවිධාන වලද සහාය ඇතිව ජනාධිපති ධුරයට පත්වු ජනාධිපති මෛත්‍රීපාලන සිරිසේන දෙමළ විරෝධතාවයන් “සාමාන්‍ය ජනතාව නොමඟ යවන රාජ්‍ය නොවන සංවිධාන වල වැඩ” යැයි බීබීසී යට කියා සිටියේය.
ජනාධිපතිවරයා විසින් අතුරුදහන් කාර්යාලයට පත් කර ඇති සාමාජික සාමාජිකාවන් කිහිප දෙනකුම රාජ්‍ය නොවන සංවිධාන නියෝජිතයන්ය.
Facebook Comments
