විධායක ජනාධිපති ක්‍රමය අහෝසි කළ යුතු බවට වන පෞද්ගලික මන්ත්‍රී යෝජනාවක් ජනතා විමුක්ති පෙරමුණ විසින් පාර්ලිමේන්තුවට ඉදිරිපත් කර තිබේ.
ජනතා විමුක්ති පෙරමුණේ පාර්ලිමේන්තු මන්ත්‍රී වෛද්‍ය නලින්ද ජයතිස්ස 18 අඟහරුවාදා මෙම යෝජනාව පාර්ලිමේන්තුවට ඉදිරිපත් කළේය.
විධායක ජනාධිපති බලතලවල පවතින භායනක කම පසුගිය දින 50ක කාලය තුළ රටේ සියලු දෙනා අත්දැකීමක් ලැබූ බව යෝජනාව ඉදිරිපත් කරමින් නලින්ද ජයතිස්ස කියා සිටියේය.
“මේ ජනතා විමුක්ති පෙරමුණ ගෙනාවා කියලා අකමැති වෙන්න එපා. අපි සියලු දෙනා ම එකතු වෙලා මේක කරන්න ඕන. සියලු පාර්ශවවලට ගෞරවය දෙනවා අපි,”
“ජනාධිපති මෛත්‍රීපාල මහත්තයා ආවෙ විධායක ජනාධිපති ක්‍රමය අහෝසි කරනව කියල. එහෙම කියපු එයා දැන් කියනවා 19 වෙනි ව්‍යවස්ථා සංශෝධනයෙන් ගෙනාපු ජනාධිපතිගේ විධායක බලතල කප්පාදුව ඉවත් කරන්න ඕන කියලා. එයා ඒ සංශෝධනයේ කොමා, තිත් හොය හොය ඒකෙ හිල් හොයන්න හැදුවා.” යි නලින්ද ජයතිස්ස මන්ත්‍රීවරයා ප්‍රකාශ කළේය.
විධායක ජනාධිපති ධුරය අහෝසි කරනු ලබන යෝජනාවට එක්සත් ජාතික පක්ෂය ද තම සහාය දීමට නියමිත බවයි දේශපාලන ආරංචි මාර්ග පවසන්නේ.
Facebook Comments
