COVID-19 වසංගතයට ශ්‍රී ලංකාවේ හදිසි ප්‍රතිචාර දැක්වීම සහ සෞඛ්‍ය අංශ සූදානම් කිරීම සඳහා ඩොලර් මිලියන 128.6 ක මුදලක් ලබාදීමට ලෝක බැංකුව අනුමැතිය ලබා දී තිබේ. එය හඳුන්වා දී ඇත්තේ “සහන පැකේජයක්” ලෙසයි.
මෙම නව සහන පැකේජය ආණ්ඩුව විසින් යොදා ගත් යුත්තේ වෛරසයේ පැතිරීම මන්දගාමී කිරීම, වෛරසය ආසාදනය වූවන්ගේ ප්‍රමාණය අඩුකිරීමට උත්සහ කිරීම සහ සමාජ පැතිරවීම වැළැක්වීමට අවශ්‍ය සහය ලබාදෙනු ඇති අතර ඒ හරහා සමස්ත ශ්‍රී ලාංකික ජනතාවගේම ආරක්ෂාව තහවුරු කිරීමට කටයුතු කෙරෙනු ඇත. මේ යටතේ වෛරසයට හදිසි ප්‍රතිචාර දක්වන ක්‍රමවේද වඩාත් පුළුල් කිරීම, රසායනාගාර සහ රෝහල් වල ධාරිතාවය ඉහළ දැමීම, රෝගීන්ට අවශ්‍ය ප්‍රතිකාර ලබාදීම, සෞඛ්‍ය සේවකයන්ට අවශ්‍ය පුහුණුව ලබාදීම සහ අත්සේදීම, සනීපාරක්ෂක භාවය සහ සමාජ දුරස්ථබාවය පිළිබඳ ජනතාව දැනුවත් කිරීම යන කාර්යයන් සඳහාය.
“COVID-19 වෛරසයේ පැතිරීම පාලනය කිරීමට සහ රෝග හේතුවෙන් අනාගතයේ මුහුණ දිය හැකි හදිසි තත්වයන්ට මුහුණදීමට රට සූදානම් කිරීමට, ලෝක බැංකුව ශ්‍රී ලංකා රජය හා සමීපව කටයුතු කරනවා,” යැයි නේපාලය, ශ්‍රී ලංකාව සහ මාලදිවයින යන රටවල් සඳහා ලෝක බැංකු අධ්‍යක්ෂිකා ආචාර්ය අයිඩා ස්වරායි රිඩ්ඩිහොග් සහන පැකේජය ප්‍රකාශයට පත් කරමින් පවසා තිබේ.
මේ වන විටත් ශ්‍රී ලංකාව විසින් වෛරසයේ පැතිරීම පාලනයට සහ රටේ ජනතාව ආරක්ෂා කිරීමට පියවර රැසක් ගෙන තිබෙන අතර ලෝක බැංකුව විසින් ලබාදෙන සහයෝගය මේ වන විට ගෙන ඇති ක්‍රියමාර්ග වලට උපකාරී වනවා මෙන්ම අනාගත අවදානම් අවම කිරීමටද උදව් වනු ඇති බවට විශ්වාස කරන බවයි. ආචාර්ය රිඩ්ඩිහොග් විශ්වාසය පල කරයි.
Facebook Comments
