රජයේ ආරක්ෂක හමුදාවේ ක්ලේමෝ බෝම්බ ප්‍රහාරයකට ලක්වීමෙන් දහසය වසරකට ඉහත දී ඝාතනය වු මානව හිමිකම් ක්‍රියාධර පියතුමකු වන්නියේදී අනුස්මරණය කර තිබේ.
මන්නාරම තාල්වුපාට්ටු පළාතේ ජොයිස් පෙපි සුසේයි සන්තියා පියතුමාගේ ප්‍රධානත්වයෙන් වවුනිකුලම් දේවස්ථානයේදී 2024 අප්‍රේල් 20 වැනිදා දේව මෙහෙය පවත්වා අනුස්මරණය කර ඇත්තේ මරියම්පිල්ලේ ෂේවියර් කරුණාරත්නම් පියතුමන්ය.
යුද සමයේදී අතුරුදහන් ෆ්‍රැන්සිස් ජෝසප් පියතුමා මෙන්ම යුද්ධයේදී මිය ගිය සහ අතුරුදහන් වු සියළු දෙනා ද එහිදී අනුස්මරණය කරන ලද බව පළාත් බද වාර්තාකරුවෝ වැඩි දුරටත් පවසති.
ෆාදර් කිලී යනුවෙන් ගෞරවාදරයට පාත්‍රව සිටි මරියම්පිල්ලේ ෂේවියර් කරුණාරත්නම් පියතුමන් උතුරු නැගෙනහිර ජනතාවට එරෙහිව රාජ්‍යය විසින් සිදුකෙරෙන මානව හිමිකම් උල්ලංඝන ලේඛණගතකළ මානව හිමිකම් සඳහා වන උතුරු නැගෙනහිර කාර්යාංශයේ (NESOHR) ප්‍රධානියා විය.
මුලතිව් දිස්ත්‍රික්කයේ මල්ලාවි මීසමේ සේවය කරමින් සිටියදී කිලී පියතුමා 2008 වසරේ අප්‍රියෙල් 20 දා මල්ලාවි සිට වවුනිකුලම් දේවස්ථානයට තම යතුරුපැදියෙන් යන අතරමඟදී ඝාතනය කෙරුනේ ශ්‍රී ලංකා යුද හමුදාවේ දුරදිග විහිදුම් බලකාය සැඟවී සිට එල්ල කළ ක්ලේමෝ ප්‍රහාරයකින් බවට විශ්වාස කෙරේ.
ඔහුගේ 16 වැනි අනුස්මරණය සදහා කොළඹ, යාපනය, දිස්ත්‍රික් නියෝජනය කරමින් කන්‍යා සොහොයුරියන් හා සොහොයුරන් රැසක් ද එක්ව සිටි බව පළාත් බද වාර්තාකරුවෝ පවසති.
වවුනිකුලම් දේවස්ථාන භූමියේ ඉදිකර තිබෙන ෂේවියර් කරුණාරත්නම් පියතුමාගේ ස්මාරකයට මලින් පහනින් හා සුවඳ දුමින් උපහාර දක්වා එහිදී දේව මෙහෙය සිදු කර ඇත්තේ මල්ලාවි පළාතේ නියුමන් පියතුමාගේ ප්‍රධානත්වයෙනි.
Facebook Comments
