රටට ප්‍රජාතන්ත්‍රවාදී ව්‍යවස්ථාවක් සකස් කිරීම සදහා සියලු දෙනා යොමු වී සිටින මේ මොහොතේ එය කඩාකප්පල් කිරීමට ආණ්ඩුව තුලම සිටින ඇතැම් බලවේග කටයුතු කරන බවට නව සම සමාජ පක්ෂ නායකයා අනතුරු අඟවයි.
ඇතැම් පිරිස් විසින් ගෙන එනු ලබන යෝජනා වැරදි සහගත බව ඔහු ප්‍රකාශ කළේ “ජාතිවාදය පරදවමු! ප්‍රජාතන්ත්‍රවාදය බලගන්වමු!” යන තේමාව යටතේ 30 බදාදා කොළඹ නව නගර ශාලාවේ පැවති නව සම සමාජ පක්ෂයේ 39 වැනි සංවත්සරයේ ප්‍රධාන දේශනය පවත්වමිනි.
එබැවින් එවැනි වැරදි සහගත යෝජනා මැඩපැවැත්වීම සදහා අනිකුත් පිරිස් වෙතින් සහයෝගය ලබා ගනිමින් එකට සටන් කළ යුතුව තිබෙන බවයි ආචාර්ය වික්‍රමබාහු කරුණාරත්න පවසන්නේ.
නව ව්‍යවස්ථාවක් සකස් කිරීම මේ මොහොතේ ප්‍රධාන කාරනාව බව සදහන් කරන ඔහු අවධාරණය කරන්නේ එය සකස් නොකර ආර්ථිකය පිළිබදව අවධානය යොමු කරන සංවර්ධන විශේෂ විධි විධාන පනත එක්සත් ජාතික පක්ෂය විසින් යෝජනා කළේ ඇයිදැයි මේ මෙහෛාතේ සමාජයේ කතා බහට ලක්ව ඇති බවයි.
මේ මොහොතේ එවැනි යෝජනාවක් ගෙන එන්නේ කුමන කාරනාවක් නිසාදැයි සහ එහි උපක්‍රමය කුමක්දැයි පැහැදිලි නොමැති බව පවසන ආචාර්ය වික්‍රමබාහු කරුණාරත්න එහිදී අවධාරණය කර සිටියේ ප්‍රජාතන්ත්‍රවාදී ව්‍යාපාරය තුළ ක්‍රියාකාරීන් වශයෙන් සිටින පිරිස් හට හෝනව පනතේ අවශ්‍යතාව පැහැදිලි කර දිය යුතු බවයි.
එසේ නොවුවහොත් එම තත්වය තුළ විරුද්ධ කණ්ඩායම් වෙත යම් යම් ජයග්‍රහන ලබා ගැනීමේ අවස්ථා උදාවන බවටද ඔහු එහිදී අනතුරු ඇගවීය.
සංවර්ධන විශේෂ විධි විධාන පනත මේ වන විටත් පළාත් සභා තුල පරාජය වී තිබෙන අතර එය ධනාත්මක පැත්ත කෙරෙහි හරවන්නේ කෙසේදැයි සාකච්ඡාවක් දක්නට නොමැති බවද ඔහු එහිදී සදහන් කළේය.
එබැවින් ඔහු අවධාරණය කර සිටියේ ඒ සම්බන්ධයෙන් ගන්නා ක්‍රියාමාර්ගයක් තිබිය යුතු අතර ආර්ථිකය මෙහෙයුමක් වන අවස්ථාවකදී ආර්ථිකය මෙහෙයවීම සදහා සම්බන්ධීකරණ කමිටුවක්, සම්බන්ධීකාරක පුද්ගලයන්, බලතල සහිත සංස්ථාවක් අනිවාර්යෙන් සංවිධානය කළ යුතුව තිබෙන බවයි.
මෝඩ කමක්
කෙසේ නමුත් මේ මොහොතේ ප්‍රජාතන්ත්‍රවාදී ව්‍යවස්ථාවක් සකස් කර එය සියලු දෙනාට පිළිගත හැකි ප්‍රජාතන්ත්‍රවාදී ව්‍යවස්ථාවක් බවට පත් නොකර ආර්ථික ගමනක් පිළිබදව තීන්දුවක් ගන්නට යෑම මෝඩ කමක් ලෙස විග්‍රහ කළ ඔහු පවසන්නේ එය අවුලකට මුලක් විය හැකි බවයි.
සියලු ජන කොටස් වල ගරුත්වයට පත්වන ව්‍යවස්ථාවක් සකස් කර එම ව්‍යවස්ථාව දේශපාලන ජයග්‍රහනයක් ලෙස රටේ නීතියෙන්ම පත් කර ගැනීමට හැකිනම් එයින් පසු ආර්ථික සංවර්ධනය පිළිබද විධිමත් වැඩ පිළිවෙලක් සකස් කළ හැකි බවයි නව සම සමජ නායකයා එහිදී ආණ්ඩුව වෙත පෙන්වා දුන්නේ.
(Radiogagana)
Facebook Comments
