යහපාලන රජය පෙරළා දැමීම සිහිනයක් – රාජිත

0

යහපාලන රජය පෙරළීමට කිසිවෙකුට නොහැකි බවත් රජය පෙරලා දමන ලෙසට කරන ප්‍රකාශ සිහිනයක් පමණක් බව සෞඛ්‍ය, පෝෂණ හා දේශීය වෛද්‍ය අමාත්‍ය සහ රජයේ සම කැබිනට් මාධ්‍ය ප්‍රකාශක දොස්තර රාජිත සේනාරත්න පවසයි.

ශ්‍රී ලංකා නාවික හමුදාවේ ප්‍රජා සත්කාරක වැඩසටහනක් යටතේ රුපියල් ලක්ෂ 13 1/2 වැය කරමින් මතුගම කටුගහහේන ප්‍රාදේශීය රෝහලේ නව ජල සම්පාදන ව්‍යාපෘතිය ඊයේ (31) පෙරවරුවේ විවෘත කරමින් සෞඛ්‍ය අමාත්‍යවරයා මේ බව ප්‍රකාශ කළේය.

“රජය වැටෙයි කියා ඇතැමුන් ප්‍රකාශ කරනවා. රජය සෙලවීමට ඇතැමුන් උත්සාහ දරනවා. ඒවා සිහින විතරයි. යහපාලන රජය තවදුරටත් ඉදිරියට ක්‍රියාත්මක කරන බව මම ප්‍රකාශ කරනවා. යැයි රජිත සේනාරත්න පැවසීය.

ජනාධිපතිවරයා සහ අගමැතිවරයා මනා දුර දැක්මෙන් යුතුව කටයුතු කරන බව පෙන්වා දෙන ඇමතිවරයා රටේ ප්‍රධාන පක්ෂ දෙක මුගට් වෛරයෙන් කටයුතු කල බවත් තවමත් ඇතැම් දේශපාලනඥයින්ගේ සිත තුළ එම වෛරය පැවතියද පරිණත ඡ්‍යෙෂ්ඨ අමාත්‍යවරුන් රජය ආරක්ෂා කර ගැනීමට අඛණ්ඩව කටයුතු කරන බව අවධාරණය කළේය.

ජනවාරි 08 විප්ලවය රුපියල් සතවලින් මැනීමට උත්සාහ නොකරන ලෙසත් අද වන විට ජීවත්වීමේ නිදහස උදාකර දී තිබෙන බවද පෙන්වා දුන්නේය.
ජනාධිපති ක්‍රමය අහෝසී

මීට පෙර මෙරට සිටි රාජ්‍ය නායකයින් ව්‍යවස්ථා සංශෝධන මඟින් සිය බලතල වැඩි කර ගත්තද වත්මන් ජනපති සිය බලතල අඩු කර ගන්නා බවයි කැබිනට් මාධ්‍ය ප්‍රකාශක දොස්තර රාජිත සේනාරත්න පවසා සිටියේ.

යෝජිත නව ව්‍යවස්ථා සංශෝධනය මඟින් ජනාධිපති ක්‍රමය අහෝසි කිරීමට ජනාධිපති මෛත්‍රීපාල සිරිසේන කටයුතු කරමින් සිටින බවද ඇමතිවරයා හෙළි කළේය.

Facebook Comments

wedding people