යළිත් වරක් මෙරට රාජ්‍ය නායකයා වීමේ අදහසක් නොමැති බව පවසන හිටපු ජනාධිපතිවරයා වත්මන් ජනාධිපති මෛත්‍රීපාල සිරිසේන යටතේ අගමැතිවරයෙකු ලෙස වුවද වැඩ කිරිමට කැමති බව ප්‍රකාශ කර තිබේ.
කුරුණෑගල දිස්ත්‍රික් පාර්ලිමේන්තු මන්ත්‍රී මහින්ද රාජපක්ෂ ඒ බව පවසා ඇත්තේ ශ්‍රී ලංකාවේ විදේශ වර්තාකරුන්වන් සමග 29 බ්‍රහස්පතින්දා කොළඹදී පැවති සාකච්ඡාවකදී අදහස් දක්වමිනි.
19 වැනි ආණ්ඩුක්‍රම ව්‍යවස්ථා සංශෝධනය අනුව ජනාධිපතිවරයෙකුට බලයට පත්විය හැක්කේ වාර දෙකක් පමණක් බවට සීමාවක් පනවා ඇති නිසා ව්‍යවස්ථා වෙනසකින් තොරව හිටපු ජනාධිපතිවරයකුට රාජ්‍ය නායකයා විය නොහැකි නොවේදැයි එම සාකච්ඡාවේදී මාධ්‍යවේදියෙකු හිටපු ජනපතිගෙන් විමසා ඇති අතර එයට පිළිතුරු දෙමින් ඔහු පවසා ඇත්තේ යළිත් රටේ රාජ්‍ය නායකයා වීමේ අදහසක් තමාට නොමැති බවයි.
මෛත්‍රීපාල සිරිසේන ජනාධිපතිවරයා යටතේ අගමැති පදවියට පත් කෙරුනොත් ජනාධිපතිවරයා සමග එක්ව වැඩකළ හැකි දැයි එහිදී මාධ්‍යවේදීන් විශ්‍රාමික ජනාධිපති මහින්ද රාජපක්ෂගෙන් විමසා ඇති අතර එයට පිළිතුරු දෙමින් ඔහු පවසා ඇත්තේ වත්මන් අගමැති රනිල් වික්‍රමසිංහට එම කාර්යය කළ හැකිනම් 1970 ගණන්වල සිට හොඳින් හඳුනන පුද්ගලයෙක් සමග තමන්ට වැඩ කළ හැකි බවයි.
Facebook Comments
